ជីវិតកម្សាន្ដ

IU ក្លាយជាតារាស្រីមនុស្សធម៌ និងជាបុគ្គលមហាជនស្រលាញ់ពេញប្រទេស

បានផុស

៤ years មុន

នៅ

ថ្ងៃអង្គារ ២៥ តុលា ២០២២

ដោយ

IU ក្រៅពីមានសម្រស់ស្រស់ស្អាត សំឡេងពីរោះ នាងក៏ជាមនុស្សដែលមានចិត្តគំនិតគួរឲ្យស្រលាញ់ខ្លាំងបំផុតនៅក្នុងឧស្សាហកម្មកម្សាន្តប្រទេសកូរ៉េខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងកាល់ពីពេលថ្មីៗនេះ កម្មវិធី ‘TMI News Show’ របស់ Mnet បានចែករំលែកក្នុងប្រធានបទ ‘ ‘តារា Idol ដែលចំណាយប្រាក់ច្រើនជាងគេលើការបរិច្ចាគ’ ហើយលេខ ១ គឺធ្លាក់ទៅលើតារាសម្ដែងនិងចម្រៀង IU។ ដូច្នេះបង្ហាញថា IU មានឈ្មោះជាតារាសប្បុរសធម៌ មក២ឆ្នាំជាប់គ្នាហើយ។

យ៉ាងណាមិញ នេះមិនមែនជាលើកទី១ទេ ដែលតារាស្រីរូប IU តែងតែងជួយមនុស្សដោយការបរិច្ចាគ បន្ទាប់ពីការបង្ហាញខ្លួនដំបូងរហូតដល់ពេលនេះ IU បានបរិច្ចាគប្រហែល ៤.៣ ពាន់លានវ៉ុន និងខែកញ្ញាកន្លងទៅ IU ក៏បានប្រារព្ធខួបលើកទី១៤ ជាមួយនឹងការបរិច្ចាគ ២០០ លានវ៉ុន (១៤៤,០០០ដុល្លារ) សម្រាប់កម្មវិធីសប្បុរសធម៌ផងដែរ។

គួរបញ្ជាក់ដែរថា តារាសម្ដែង និងចម្រៀង IU ឬ Lee Ji-eun កើតនៅថ្ងៃទី ១៦ ខែឧសភា ឆ្នាំ ១៩៩៣ នៅ Songjeong dong ទីក្រុងសេអ៊ូល ប្រទេសកូរ៉េខាងត្បូង។ តារាចម្រៀងរូបនេះត្រូវបានអ្នកគាំទ្រទូទាំងសកលលោកឲ្យនាមថា ជាតារាស្រីមនុស្សធម៌ ក្រៅពីសិល្បៈនាងតែងតែជួយការងារសង្គម មិនថាការបរិច្ចាគឬជាអ្វីនោះទេ៕