ជីវិតកម្សាន្ដ

អ្នកគាំទ្រព្រួយបារម្ភសុខភាព Jisoo ក្រោយប្រទះឃើញដុំពកធំមួយនៅត្រង់ ក

បានផុស

៤ years មុន

នៅ

ថ្ងៃសុក្រ ៤ វិច្ឆិកា ២០២២

ដោយ

Jisoo សមាជិកក្រុម BLACKPINK ធ្វើឲ្យអ្នកគាំទ្រព្រួយបារម្ភសុខភាពនាង ក្រោយគេប្រទះឃើញរូបភាពមួយសន្លឹកជាមួយនឹងដុំពកទំហំប៉ុនកាក់នៅលើករបស់នាង ក្នុងអំឡុងពេលប្រគំតន្ត្រីនៅសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរូបភាពដែលបានសាយភាយនៅលើអ៊ីនធឺណិតនោះ Jisoo កំពុងតែច្រៀងដោយបញ្ចេញទឹកមុខស្រស់ស្រាយ ជាមួយអាការដូចជាហើមកូនកណ្តុរ។ នៅលើរូបភាពបង្ហោះនោះបានសរសេរថា “អ្នកត្រូវមើលថែខ្លួន វាមើលទៅដូចជាហើមខ្លាំងណាស់ ហើយអាចមិនស្រួលធ្វើឲ្យអ្នកឈឺចាប់ខ្លាំង។ រឿងនេះបានកើតឡើងក្នុងអំឡុងពេលប្រគំតន្ត្រីជុំវិញពិភពលោកផងដែរ “។

ជាមួយគ្នានេះ មានអ្នកគាំទ្រជាច្រើនបានបញ្ចេញមាតិថា ”នាងឧស្សាហ៍មានរោគសញ្ញាស្រដៀងគ្នានេះនៅក្នុងការប្រគំតន្ត្រីផ្សេងៗដែលបានចាក់ផ្សាយពីមុនមក”។ ខណៈអ្នកនិយមលេងអ៊ីនធឺណេតខ្លះ មានការព្រួយបារម្ភថា ទំហំកូនកណ្តុរដែលហើមរបស់នាងអាចរីកធំ ជាពិសេសនៅពេលនេះដែល BLACKPINK មានកាលវិភាគជាច្រើនក្នុងការពិភពប្រគំតន្ត្រីជុំវិញលោកកំពុងតែនៅបន្តចំនួន ១៤ ដងក្នុងទីក្រុងចំនួន ៧ នៅអាមេរិកខាងជើងរួមទាំងទីក្រុង Dallas, Houston និង Atlanta ។

ទាក់ទងនឹងបញ្ហានេះ YG Entertainment បានឆ្លើយតបយ៉ាងខ្លីថា “បច្ចុប្បន្ន Jisoo កំពុងបំពេញភារកិច្ចរបស់នាងសម្រាប់កាលវិភាគប្រគំតន្ត្រីជុំវិញពិភពលោករបស់ BLACKPINK ដោយមិនមានបញ្ហាអ្វីឡើយ ហើយនាងក៏មិនមានបញ្ហាសុខភាពដែរ”។ ទន្ទឹមនឹងនេះ ការប្រគំតន្ត្រី ‘BORN PINK’ នឹងបន្តធ្វើនៅអឺរ៉ុបចាប់ពីខែវិច្ឆិកាដល់ខែធ្នូ៕

ប្រែសម្រួល៖នាងតូច

ចុចអាន៖Jiyeon សមាជិកក្រុម T-ara នឹងចូលរោងការ ក្នុងពេលឆាប់ៗនេះ

ចុចអាន៖Park Bom ចេញបទចម្រៀងថ្មីយ៉ាងស្ងប់ស្ងាត់ ក្រោយអ្នកគាំទ្រព្រួយបារម្ភសុខភាព