តារាស្រីធ្លាប់បរិច្ចាគក្រលៀន ខកចិត្តខ្លាំងក្រោយ Selena ថា Taylor Swift ជាមិត្តជិតស្និទ្ធម្នាក់គត់

តារាសម្តែង Francia Raisa ដែលបានបរិច្ចាគក្រលៀនរបស់នាងទៅឱ្យ Selena Gomez សម្រាប់ការព្យាបាលកាលពីឆ្នាំ ២០១៧ បាន unfollow គណនីបណ្តាញសង្គមរបស់ Selena ជាផ្លូវការ បន្ទាប់ពីនាងបានអះអាងថា Taylor Swift គឺជាមិត្តល្អបំផុតតែមួយគត់​ នៅក្នុងវិស័យសិល្បៈ។

នៅក្នុងបទសម្ភាសន៍ចុងក្រោយជាមួយទស្សនាវដ្តី Rolling Stone តារាចម្រៀង Selena Gomez បាន និយាយថា”មានតែ Taylor Swift ដែលជាមិត្តជិតស្និទ្ធនៅក្នុងវិស័យសិល្បៈនេះ ដោយមិននិយាយពី Francia Raisa ដែលជាតារាសម្តែងបានបរិច្ចាគក្រលៀនរបស់នាងក្នុងឆ្នាំ ២០១៧ ”។

ទន្ទឹមនឹងនោះ កាលពីពេលថ្មីៗនេះ តារាសម្តែងស្រី Francia Raisa ដែលបានបរិច្ចាគក្រលៀនឲ្យ Selena Gomez ដើម្បីព្យាបាលជំងឺ Lupus ក្នុងឆ្នាំ ២០១៧ បានសម្តែងការខកចិត្តចំពោះសេចក្តី ថ្លែងការណ៍របស់តារាចម្រៀងរូបនេះ។ ជាពិសេស Francia Raisa បានបញ្ចេញមាតិរបស់នាងនៅក្រោយ វីដេអូចែករំលែករបស់ Selena ជាមួយនឹងខ្លឹមសារខ្លីៗថា “គួរឱ្យចាប់អារម្មណ៍ !”។ បន្ទាប់ពីនោះមក តារាស្រីរូបនេះបាន unfollow គណនី Instagram របស់ Selena ។

ទោះជាយ៉ាងណា មានទស្សនិកជនភាគច្រើនមិនយល់ស្របនឹង Selena នោះទេ ដោយសារតែតារាចម្រៀងរូបនេះ ហាក់មិនពេញចិត្តចំពោះការលះបង់របស់តារាស្រី Francia Raisa ឡើយ។ សូម្បីតែនៅក្នុងភាពយន្តឯកសាររបស់នាង Selena ក៏មិនស្ទាក់ស្ទើរក្នុងការនិយាយអំពី Francia ដែលជាអ្នក មានគុណរបស់នាងផងដែរ៕

ប្រែសម្រួល៖នាងតូច

ចុចអាន៖អាល់ប៊ុម Midnights របស់ Taylor Swift បង្កើតប្រវត្តិសាស្ត្រមិនធ្លាប់មាន លើ Billboard Hot 100

ចុចអាច៖Selena Gomez ប្រកាសលាឈប់ពីសិល្បៈ និងប្រាប់គម្រោងមួយចំនួន ក្រោយរៀបការរួច