ជីវិតកម្សាន្ដ

Selena Gomez ប្រកាសលាឈប់ពីសិល្បៈ និងប្រាប់គម្រោងមួយចំនួន ក្រោយរៀបការរួច

បានផុស

៤ years មុន

នៅ

ថ្ងៃចន្ទ ៨ សីហា ២០២២

ដោយ

តារាចម្រៀង និងតារាសម្តែងហូលីវូដ Selena Gomez បានប្រកាសថា នាងនឹងលាឈប់ពីសិល្បៈ និងប្រាប់ពីគម្រោងមួយចំនួន បន្ទាប់ពីរៀបការមានកូនរួច។

ការប្រកាសនេះបានធ្វើឡើងក្នុងបទសម្ភាសន៍នៃកម្មវីធី Award Chatter នៅក្នុងវីដេអូនោះ នាងបាននិយាយថា ខ្លួននឹងឈប់ពីពិភពសិល្បៈ បន្ទាប់ពីរៀបការមានកូន ហើយផ្លាស់ពីរដ្ឋតិចសាស់ទៅហូលីវូដវិញ។

ទន្ទឹមនឹងនេះដែរ នាងបានបង្ហាញពីគម្រោងដែលគ្រោងទុកថា “ច្បាស់ណាស់ ខ្ញុំនឹងយកកូនបួននាក់ បន្ទាប់ពីរៀបការរួច។ ផែនការជីវិតទាំងពីរនេះ គឺជាការគ្រោងទុករបស់ខ្ញុំ ហើយក៏មិនមានបញ្ហាអ្វីទេក្នុងជីវិត ដែលខ្ញុំអ្នកដឹកនាំជីវិតខ្លួនឯង”។

ដោយឡែកនៅក្នុងបទសម្ភសមូយទៀត មានឈ្មោះថា ‘Giving Back Generation’ តារាចម្រៀងរូបនេះនិយាយថា “ខ្ញុំចង់រៀបការ និងធ្វើជាម្តាយ”។ ក្នុងនោះនាងបានបង្ហើបថា “ខ្ញុំចង់បានប្តី ហើយខ្ញុំចង់បានការថ្នាក់ថ្នម”។ នាងបានបន្ថែមទៀតថា នាងបានទៅដើរលេងជាមួយមនុស្សចាស់ជាងខ្លួនបន្តិច ដោយគាត់បានមើលថែរនាង ក៏ដូចជាយកចិត្តទុកដាក់មកលើរូបនាងផងដែរ។

គួរបញ្ជាក់ថា នៅពេលថ្មីនេះ គេប្រទះឃើញ Selena Gomez ធ្វើដំណើរកម្សាន្តនៅប្រទេសអ៊ីតាលី ជាមួយ Andrea Iervolino ដែលជាផលិតករភាពយន្តជនជាតិអ៊ីតាលីវ័យ ៣៤ ឆ្នាំ កាលពីដើមខែនេះ។ ខណៈអ្នកទាំងពីរបានចំណាយពេលមួយថ្ងៃនៅលើទូកជាមួយគ្នា និងញ៉ាំអាហារនៅរមណីយដ្ឋាន អ៊ីតាលី ដូច្នោះហើយ អ្នកគាំទ្រមានការសង្ស័យថាលោក Andrea Iervolino គឺជាអនាគតស្វាមីរបស់នាង៕

ប្រែសម្រួល៖នាងតូច

ចុចអាន៖Selena Gomez បង្ហើបថា គ្រោងនឹងចេញអាល់ប៊ុមថ្មី នាពេលខាងមុខ