អតីតស្ថាបនិកផលិតកម្ម YG អាចនឹងជាប់ពន្ធនាគាររយៈពេល ៣ ឆ្នាំ

ព្រះរាជអាជ្ញាបានកាត់ទោសអតីតស្ថាបនិកផលិតកម្ម YG លោក Yang Hyun Suk អាចនឹងជាប់ពន្ធនាគាររយៈពេល ៣ ឆ្នាំ ក្រោយព្យាយាមបិទបាំងការចោទប្រកាន់គ្រឿងញៀនរបស់តារារ៉េប B.I និងគំរាមកំហែងអ្នកផ្តល់ព័ត៌មាន Han Seo Hee ជាអតីតអ្នកហាត់ការក្នុងផលិតកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Yang Hyun Suk ត្រូវបានចោទប្រកាន់ពីបទគំរាមកំហែងអតីតអ្នកហាត់ការដែលបានផ្តល់សក្ខីកម្មដល់ប៉ូលិសក្នុងឆ្នាំ ២០១៦ អំពីការសង្ស័យគ្រឿងញៀនជុំវិញ B.I ដែលជាអតីតសមាជិកក្រុម iKON របស់ YG ។

ក្នុងអំឡុងពេលតុលាការកណ្តាលក្រុងសេអ៊ូលបានបើកសវនាការកាត់ទោសមនុស្ស ១២ នាក់ រួមទាំងអតីតនាយកប្រតិបត្តិ Yang Hyun Suk ផងដែរ។ អយ្យការបានចោទប្រកាន់គាត់ថា បានរារាំងការស៊ើបអង្កេតដំបូងលើ B.I ដោយការបំភិតបំភ័យអ្នកផ្តល់ព័ត៌មាន និងទទួលបានប្រាក់ចំណេញយ៉ាងច្រើនក៏ដូចជាផលប្រយោជន៍ពីភាពជោគជ័យរបស់ក្រុម iKON ក្នុងប្រទេសកូរ៉េ និងនៅប្រទេសជប៉ុន។

ជាមួយគ្នានេះលោក Yang Hyun Suk បានកំហែងអាយុជីវិតសាក្សីជាអ្នកហាត់ការនៅលក្នុងផលិតកម្មដែលបានផ្តល់ព័ត៌ឲ្យប៉ូលិស ដោយអតីតស្ថាបនិករូមនេះ​បាន​គំរាម​បំផ្លាញ​អាជីព​របស់​នាង លុះ​ត្រា​តែ​នាង​បដិសេធ​សក្ខីកម្ម​របស់​នាង។

យ៉ាងណាមិញលោក Yang Hyun Suk បានបដិសេធការចោទប្រកាន់នេះចោល និងបានលាឈប់ពីតំណែងជាប្រធានផលិតកររបស់ក្រុមហ៊ុនYGក្នុងខែមិថុនា ឆ្នាំ ២០១៩ ចំពេលមានរឿងអាស្រូវ ទន្ទឹមនឹងនេះតុលាការនឹងធ្វើសេចក្តីសម្រេចលើចុងក្រោយចំពោះលោក Yang នៅថ្ងៃទី ២២ ខែធ្នូ នាពេលខាងមុខនេះ៕

ប្រែសម្រួល៖នាងតូច

ចុចអាន៖BLACKPINK ក្លាយជាក្រុមចម្រៀងស្រី K pop ដំបូងគេ ឈ្នះពានរង្វាន់ MTV EMAs ចំនួន ២

ចុចអាន៖BTS ឈ្នះពានរង្វាន់ Biggest Fans Award ពីកម្មវិធី MTV EMAs ប្រាំឆ្នាំជាប់គ្នា