Connect with us

ជីវិតកម្សាន្ដ

ការឈឺចាប់ ៣ ឆ្នាំមុន ធ្វើឲ្យ ពេជ្រ សូលីកា មានជំងឺប្រចាំកាយដល់សព្វថ្ងៃ

បានផុស

នៅ

តារា​ចម្រៀង​មាន​ឈ្មោះ​ជា​អ្នក​មេម៉ាយ​កូន​មួយ ពេជ្រ សូលីកា កន្លងមក នាង​មិនដែល​ធ្លាប់​ទម្លាយ​ឲ្យ​អ្នកគាំទ្រ ឬ​ទស្សនិកជន បាន​ដឹង​ទេ​ថា សព្វថ្ងៃ​កំពុង​មាន​ជំងឺ​ម្យ៉ាង ក្រោយ​ជួប​រឿងរ៉ាវ​ឈឺចាប់​រយៈពេល ៣ ឆ្នាំ កន្លង​មក​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នា​នោះ​ដែរ ក្រៅ​តែ​ពី​ការ​ទម្លាយ​បែបនេះ តារា​ចម្រៀង​អ្នកនាង ពេជ្រ សូលីកា ក៏បាន​ស្នើ​សុំ​ដោយ​ទទូច​ចំពោះ​អ្នកគាំទ្រ​ឲ្យ​បញ្ឈប់​ការ mention ឈ្មោះ​ខ្លួន និង​សុំ​កុំ screenshot មក​ឲ្យ​នាង​ទៀត​នូវ​អ្វី​ដែល​មិន​ចង់​ឃើញ។ ម្យ៉ាងទៀត ពេជ្រ សូលីកា បញ្ជាក់​ដែរ​ថា ខ្លួន​ក៏​សុំ​មិន​ដឹង​មិន​ឮ ព្រោះ​រស់នៅ​ជាមួយ​ការពិត ហើយ​មិន​ចេះ​សម្ដែង​ជាមួយ​ភាព​ក្លែងក្លាយ​ទេ គឺ​ហត់។

អ្នកនាង ពេជ្រ សូលីកា បាន​រៀបរាប់​ទៅកាន់​អ្នក​គាំទ្រ​ថា ឃើញ​បែប​ហ្នឹងហើយ ធ្វើ​ឲ្យ​ខ្ញុំ​នឹកឃើញ​ដល់​ការ​ឈឺចាប់​របស់ខ្ញុំ​កាលពី ៣ ឆ្នាំមុន ការ​ឈឺចាប់ និង​រូបភាព​ទាំងនោះ វា​បាន​ធ្វើ​ឲ្យ​ខ្ញុំ​មាន​ជំងឺ​ប្រចាំ​កាយ​ដល់​សព្វថ្ងៃ។ អ្វី​ដែល​ខ្ញុំ​សុំ​ដល់​អ្នក​ទាំងអស់​គ្នា គឺ​សុំ​កុំ mention ឈ្មោះ​ខ្ញុំ និង​សុំ​កុំ screen shot មក​ឲ្យ​ខ្ញុំ​ឃើញ​ទៀត​អី។

តារា​ស្រី ពេជ្រ សូលីកា បាន​និយាយ​បន្ថែម​ថា ខ្ញុំ​សុំ​មិន​ដឹង​មិន​ឮ ខ្ញុំ​រស់នៅ​ជាមួយ​ការ​ពិត ខ្ញុំ​មិន​ចេះ​សម្ដែង​ជាមួយ​ភាព​ក្លែងក្លាយ​ទេ គឺ​ហត់។ ខ្ញុំ​បាន​មក​ដល់​សព្វថ្ងៃ​នេះ គឺ​ខ្ញុំ​សប្បាយ​ចិត្តនឹង​ខ្លួនឯង​ខ្លាំង​ណាស់។

បន្ទាប់ពី​ឃើញ​ការ​បញ្ចេញ​អារម្មណ៍​បែបនេះ​របស់ ពេជ្រ សូលីកា ក៏​មាន​អ្នកគាំទ្រ​ជាច្រើន​បាន​សម្តែង​ការ​អាណិត និង​លើកទឹកចិត្ត​ដល់​តារា​ស្រី​រូបនេះ​ឲ្យ​មាន​ភាព​រឹងមាំ ខណៈ​ខ្លះ​ទៀត​និយាយ​ថា កុំ​ខ្វល់​ច្រើនពេក​Idol កម្មពៀរ​វា​មាន​ពិត​មិន​ចាំជាតិ​ក្រោយ​ទេ មនុស្ស​មាន​ពិស ទោះ​បង​មិន​តប ក៏​មាន​យុត្តិធម៌​សម្រាប់​បង​ថ្ងៃនេះ​,​ការ​ស្ងប់ស្ងាត់​របស់​អ្នក​កាលពី​បី​ឆ្នាំមុន គឺ​បាន​ផ្តល់​យុត្តិធម៌​ស្អាតស្អំ​ល្អ​ត្រឹមត្រូវ​ឲ្យ​អ្នក​នៅ​ក្នុង​ពេលនេះ​វិញ​ហើយ៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម