Jungkook ឆ្លៀតទៅសួរសុខទុក្ខក្រុមជម្រើសជាតិ កូរ៉េ មុនការប្រកួត World Cup 2022 មកដល់ (មានវីដេអូ)

កំឡុងពេល Jungkook នៅកាតាដើម្បីរៀបចំពិធីបើកការប្រកួតបាល់ទាត់ពិភពលោកឆ្នាំ ២០២២ មាជិក BTS រូបនេះក៏ឆ្លៀតពេលទៅសួរសុខទុក្ខ និងលើកទឹកចិត្តក្រុមជម្រើសជាតិកូរ៉េ មុនពេលការប្រកួតប្រព្រឹត្តទៅ។

កាលពីថ្ងៃទី ២០ ខែវិច្ឆិកា Jungkook សមាជិក BTS បានទៅលេង “ទីស្នាក់ការ” របស់ក្រុមកូរ៉េដើម្បី លើកទឹកចិត្ត តដល់ក្រុមជម្រើសជាតិកូរ៉េ។ នៅក្នុងជំនួបនោះ Jungkook បានចែករំលែកថា “ខ្ញុំសង្ឃឹម ថាអ្នកទាំងអស់គ្នានឹងមានសុខភាពល្អជានិច្ចកំឡុងពេលប្រកួត។ ខ្ញុំនិងសមាជិកក្រុម BTS រួមជា មួយនឹងប្រជាជនកូរ៉េទាំងអស់ នឹងលើកទឹកចិត្តក្រុមកូរ៉េ”។

បន្ថែមពីលើនេះ សមាជិក BTS រូបនេះក៏បានបង្ហាញថតរូបជាមួយកីឡាករ Son Heung Min និងកីឡាករកូរ៉េផ្សេងទៀត។ លើសពីនេះ Jungkook ក៏ត្រូវ​បាន​ក្រុម​កូរ៉េ​ផ្តល់​អាវជម្រើសជាតិមួយផង​ដែរ។

ទាក់​ទង​នឹង​ក្រុម​កូរ៉េ​នេះ គ្រូ​បង្វឹកលោក Paul Bento បាន​នាំ​កីឡាករ​ខ្លាំង​ៗ​មក​លេង World Cup ឆ្នាំ ២០២២ រួម​មាន កីឡាករSon Heung Min, កីឡាករ Kim Min Jae, កីឡាករ Lee Jae Sung, កីឡាករ Lee Kang In, និងកីឡាករ Jeong Woo Yeong ជាដើម។

យ៉ាងណាមិញនៅ FIFA World Cup ឆ្នាំ ២០២២ ក្រុមកូរ៉េនឹងត្រូវជួបក្រុមអ៊ុយរូហ្គាយ , ហ្គាណា និងព័រទុយហ្គាល់ក្នុងពូល H ។ ក្រុម​កូរ៉េ​តាំង​ចិត្ត​នឹងចូលទៅ​វគ្គ​បន្ត ដោយពួកគេព្យាយាមរកគ្រាប់បាល់ ដ៏លំបាកមួយនៅពេលដែលក្រុមកូរ៉េប៉ះជាមួយក្រុមខ្លាំង ប៉ុន្តែពួកគេមានទំនុកចិត្តថាពួកគេនឹងបំពេញគោលដៅដែលបានកំណត់៕

ប្រែសម្រួល៖នាងតូច

ចុចអាន៖មកដឹងអត្ថន័យបទចម្រៀងរបស់ Jungkook សម្ដែងបើកការប្រកួត World Cup យប់មិញ