Jin សមាជិក BTS នឹងចូលបម្រើកងទ័ពនៅថ្ងៃទី ១៣ ខែក្រោយនេះហើយ

យោងតាមប្រព័ន្ធផ្សាព្វផ្សាយរបស់កូរ៉េចេញផ្សាយនៅថ្ងៃទី ២៤ ខែវិច្ឆិកានេះ Jin គ្រោងនឹងចូលបម្រើកងទ័ពនៅមជ្ឈមណ្ឌលបណ្តុះបណ្តាជ្រើសរើសនៃអង្គភាពកងទ័ពនៅតំបន់ Yeoncheon County នៃខេត្ត Gyeonggi នៅថ្ងៃទី ១៣ ខែធ្នូនាពេលខាងមុខនេះ។

ទាក់​ទង​នឹង​បញ្ហា​នេះ ខាងផលិតកម្ម​ Big Hit Music ដែល​ជា​ភ្នាក់​ងារ​របស់ BTS បានធ្វើអត្ថាធិប្បាយ យ៉ាងខ្លី​ជាមួយសារព័ត៌មានថា “វា​ពិបាក​នឹង​បញ្ជាក់។ យើង​សុំ​ការ​យោគយល់ពី​អ្នកគាំទ្រ”។ ទីភ្នាក់ងារនេះបានពន្យល់ថា “បន្ទាប់ពីនោះ និតិវិធីទាក់ទងនឹងការចុះឈ្មោះចូលបម្រើការងារក្នុង រដ្ឋបាលយោធានឹងត្រូវអនុវត្តតាម។ សមាជិកផ្សេងទៀតក៏នឹងបំពេញកាតព្វកិច្ចយោធារបស់ពួកគេ ជាបន្តបន្ទាប់តាមផែនការរបស់ពួកគេដែរ”។

យ៉ាងណាមិញ ទន្ទឹមនឹងនេះដែរកាលពីដើមខែនេះ Jin ក៏ធ្លាប់បានបញ្ជាក់នៅលើបណ្តាញសង្គម Weverse ជាមួយអ្នកគាំទ្រថា លោកនឹងត្រូវបានចាត់តាំងឱ្យទៅមូលដ្ឋានទ័ពជួរមុខនៅក្នុងខែក្រោយនេះផងដែរ៕

ប្រែសម្រួល៖នាងតូច

ចុចអាន៖ហ្វេនច្រណែន ក្រោយ Song Hye Kyo ឈានចូលអាយុ ៤១ ឆ្នាំហើយ នៅតែក្មេង

ចុចអាន៖រថយន្តស៊េរីទំនើបរបស់ Jungkook ដាក់ដេញថ្លៃក្នុងតម្លៃកប់ក្ដោង