BLACKPINK ក្លាយជាតារា K-Pop ទីពីរជាប់ឈ្មោះ ‘Entertainer of the Year’ លើទស្សនាវដ្ដី TIME

BLACKPINK ជា​ក្រុម K-pop ទី​ពីរ​ដែល​ជាប់​ឈ្មោះ​ជា ​Entertainer of the Year’ដោយ​ទស្សនាវដ្ដី TIME បន្ទាប់​ពី BTS ដែលបានគ្រងតំណែងដូចគ្នានេះកាលពីឆ្នាំ ២០១៨ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ៦ ខែធ្នូ ទស្សនាវដ្ដី TIME បានប្រកាសថា ក្រុមចម្រៀងនារី BLACKPINK ត្រូវបានជ្រើសរើសជាតារាបង្ហាញម៉ូដ និងផ្តល់កិត្តិយសដល់ពួកគេជាអ្នកកម្សាន្តប្រចាំឆ្នាំ ២០២២។ ទាក់ទងនឹងរឿងនេះ BLACKPINK បានចែករំលែកការអរគុណរបស់ពួកគេទៅកាន់អ្នកគាំទ្រថា “ពួកយើងសប្បាយចិត្តបំផុតនៅពេលដែលយើងធ្វើការលើតន្ត្រីរបស់យើង យើងរីករាយគ្រប់ពេល ដូច្នេះយើងទទួលបានលទ្ធផលដ៏អស្ចារ្យជានិច្ច ។

ពួកគេបានបន្តទៀតថា ”យើងជឿជាក់ថាកម្លាំងដ៏អស្ចារ្យរបស់យើងគឺអ្នកគាំទ្ររបស់យើងដែលតែង តែស្រលាញ់ និងគាំទ្រពួកយើងជានិច្ច ហើយយើងខិតខំធ្វើ​ឲ្យ​អស់​ពី​សមត្ថភាព ខណៈ​ដែលពួកយើងមានពាក្យអរគុណតែប៉ុណ្ណោះ”។

ទន្ទឹមនឹងនេះ BLACKPINK កំពុងរៀបចំការប្រគុំតន្ត្រីទេសចរណ៍ពិភពលោក ‘BORN PINK’ នៅក្នុង ប្រទេសផ្សេងៗ រហូតដល់ខែមិថុនា ឆ្នាំ ២០២៣ ដែលបច្ចុប្បន្ននេះពួកគេកំពុងតែសម្តែងនៅទ្វីបអឺរ៉ុបនឹងបន្តការប្រគុំតន្ត្រីនៅ អាស៊ី នឹងអូស្ត្រាលី៕

ប្រែសម្រួល៖នាងតូច

ចុចអាន៖T.O.P សមាជិក Big Bang នឹងក្លាយជាតារាល្បីដំបូងគេធ្វើដំណើរទៅកាន់ទីអវកាស ឆាប់ៗនេះ