Lisa សុំទោសអ្នកគាំទ្រ ចំពោះការមិនសម្ដែងរាំតោងបង្គោល អំឡុងពេលប្រគំតន្ត្រី

Lisa សមាជិក Blackpink សុំទោសអ្នកគាំទ្រចំពោះការមិនសម្តែងរាំតោងបង្គោល ក្នុងអំំឡុងពេលការប្រគំតន្ត្រី “BORN PINK” នៅទីក្រុងបាសេឡូណា ក្នុងប្រទេសអេស្ប៉ាញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីបញ្ចប់ការប្រគុំតន្ត្រីនៅទីក្រុងឡុងដ៍ BLACKPINK បានបន្តដំណើរទេសចរណ៍ពិភពលោក “BORN PINK” នៅទីក្រុងបាសេឡូណា ប្រទេសអេស្ប៉ាញ ជាមួយគ្នានេះ ដោយសារ​កាលវិភាគមមាញឹក ដូច្នោះធ្វើឲ្យសមាជិកទាំងអស់មានបញ្ហាសុខភាព ដោយ Lisa មានបញ្ហាសាច់ដុំទើបធ្វើឲ្យនាងមិនបានសម្តែងការរាំតោងបង្គោលសម្រាប់បទ “Money” ។

ទោះ​ជា​យ៉ាង​ណា កាលពីព្រឹកថ្ងៃទី ៦ ខែធ្នូ Lisa បានចែករំលែកនៅលើទំព័រផ្ទាល់ខ្លួនរបស់នាងអំពី ស្ថានភាពសុខភាពរបស់នាងនិងសុំទោសអ្នកគាំទ្រ ដោយនាងសរសេរថា ” ខ្ញុំសុំទោសដែលធ្វើឲ្យ អ្នកទាំងអស់គ្នាបារម្ភពីបញ្ហាករបស់ខ្ញុំ ដែលនេះជាមូលហេតុដែលខ្ញុំសម្រេចចិត្តមិនសម្តែងរាំតោងបង្គោល។ ខ្ញុំដឹងថាអ្នកគាំទ្ររបស់យើងប្រហែលជាកំពុងទន្ទឹងរង់ចាំមើលរាំលើបង្គោល ហើយ​ចង់​ប្រាប់​ឲ្យ​អ្នក​ទាំង​អស់​គ្នា​ដឹង​ថា ​ឥឡូវ​នេះ​ខ្ញុំ​មាន​អារម្មណ៍​ធូរ​ស្រាល​ច្រើន​ហើយ​ អរគុណ​ចំពោះ​ការ​​អ្នកគាំទ្រទាំង​អស់​របស់​ខ្ញុំ!”។

អាស្រ័យហេតុនេះ Lisa បាននិយាយសុំទោសទស្សនិកជនក៏ដូចជាអ្នកគាំទ្រ ដែលធ្វើឲ្យពួកគេព្រួយបារម្ភពីសុខភាពរបស់នាង ដែលបានធ្វើឱ្យនាងមិនអាចធ្វើសម្តែងបានល្អ៕

ប្រែសម្រូល៖នាងតូច

ចុចអាន៖ក្រុម BLACKPINK នឹងបញ្ចេញកម្មវិធី Reality Show ជាលើកទី ១