ហ្វេនជុំវិញពិភពលោកសរសើរសម្រស់ Jisoo ក្រោយនាងបង្ហាញខ្លួនក្នុងរូបរាងថ្មី

Jisoo សមាជិកក្រុម BLACKPINK បានបង្កើតអារម្មណ៍និងភាពទាក់ទាញយ៉ាងខ្លាំងកាលពីថ្ងៃទី ២៣ ខែមករា ឆ្នាំ ២០២៣ ដោយបង្ហាញខ្លួននៅក្នុងព្រឹត្តិការណ៍ Christian Dior Spring 2023 Haute Couture នៅទីក្រុងប៉ារីស ប្រទេស​បារាំង។

Jisoo បានបង្ហាញខ្លួនជាមួយនឹងរូបរាង​នៃ​ម៉ូដ​សំលៀកបំពាក់​ទាន់​សម័យ​កាល​ពីរដូវ។ វា​ជា​អាវ​ក្រៅ​វាលក្លៀកដែលពាក់ពីលើអាវស្បៃពណ៌ស ខណៈសំពត់ដែលមានរាងវ៉ាល់បានបង្ហាញពី​មនោសញ្ចេតនា​នៃ​រចនាប័ទ្មបុរាណរបស់ Audrey Hepburn។​ ភ្លាមៗនោះដែរ ទូតសុឆន្ទៈនៃ​ម៉ាកយីហោពិភពលោក DIOR រូបនេះ​ត្រូវ​ទស្សនិកជន​ជុំវិញ​ពិភពលោក​ជជែក​គ្នា​ពេញ​បណ្ដាញ​សង្គម​ព្រាត​ ក្រោយឃើញ​សម្រស់នាង​លេចធ្លោខ្លាំង។

អ្នកលេងអ៊ីនធើណេតជាច្រើន បានបញ្ចេញមតិខុសៗគ្នាថា Jisoo មើលទៅដូចជាកូនស្រីពៅរបស់ Dior នាងពិតជាស្រស់ស្អាតដូចព្រះនាង។ សម្រស់របស់នាងហាក់ដូចជាគ្មានទីបញ្ចប់ឡើយ កាន់តែមើលកាន់តែស្រស់ស្អាត។ ក្នុងនោះក៏មានទស្សនិកជនខ្លះគាំទ្រនឹងម៉ូដ​សក់​នេះ ដោយថា ពិតជា​ស័ក្ដិសម​នឹង​នាង ហើយមើលមុខកាន់តែក្មេងជាងមុនទៀត៕

ប្រែសម្រួល៖ សាង ស្រីល័ក្ខ

ចុចអាន៖តួអង្គលោកតា ០០១ ក្នុងរឿង “Squid Game” នឹងកាត់ក្តីនៅខែក្រោយនេះ