Lisa នឹងចូលរួមដណ្តើមពានរង្វាន់ Premio Lo Nuestro ឆ្នាំ ២០២៣

Lisa សមាជិកក្រុម BLACKPINK នឹងចូលរួមដណ្តើមពានរង្វាន់ពីកម្មវិធី Premio Lo Nuestro របស់អាមេរិក ឡាទីនសម្រាប់បទចម្រៀង “SG” សហការជាមួយ DJ Snake, Megan Thee Stallion និង Ozuna ។

កាលពីថ្ងៃទី ២៣ ខែមករាកម្មវិធីប្រគល់ពានរង្វាន់ Premio Lo Nuestro ឬ Lo Nuestro Awards ដែលជាកម្មវិធីដណ្តើមពានរង្វាន់តន្រ្តីរបស់អាមេរិកឡាទីន ដ៏បំផុតធំប្រចាំឆ្នាំបានប្រកាសបញ្ជី ឈ្មោះបេក្ខភាពចូលរួមសម្រាប់កម្មវិធីប្រចាំឆ្នាំលើកទី ៣៥ របស់ពួកគេ។ ក្នុងនោះ Lisa សមាជិក ក្រុម BLACKPINK ត្រូវបានតែងតាំងសម្រាប់ពានរង្វាន់ “Crossover” Collaboration of the Year ជាមួយ “SG” ការសហការក្នុងខែតុលា ឆ្នាំ ២០២១ របស់នាងជាមួយ DJ Snake, Megan Thee Stallion និង Ozuna ។

ជាមួយគ្នានេះ បទច្រៀង “SG” ត្រូវបានប្រកួតប្រជែងជាមួយ បទ“La Fama”ជាការសហការរបស់ Rosalia និង The Weeknd និងបទ”Nostálgico” ដោយសហការ Ruvssian, Rauw Alejandro, និង Chris Brown ក៏ដូចជាបទ “Sigue” ជាការសហការរបស់J Balvin និង Ed Sheeran ជាចុងក្រោយបទ “Sin Fin” ជាការសហការរបស់ Romeo Santos រវាង Justin ។

យ៉ាងណាមិញ ការបោះឆ្នោតដំណើរការរហូតដល់ថ្ងៃទី ៥ ខែ កុម្ភៈ ហើយពានរង្វាន់ Lo Nuestro ឆ្នាំ ២០២៣ នឹងប្រព្រឹត្តទៅនៅ Miami-Dade (FTX) Arena នៅថ្ងៃទី ២៣ ខែកុម្ភៈ នៅវេលាម៉ោង ៧ យប់ ម៉ោងនៅសហរដ្ឋ អាមេរិក ៕

ប្រែសម្រួល៖នាងតូច

ចុចអាន៖តារារ៉េប Doja Cat បិទត្បូង ៣ ម៉ឺនគ្រាប់ពេញខ្លួន ដើម្បីចូលរួមកម្មវិធីបង្ហាញម៉ូដ Schiaparelli