ក្រុមចម្រៀងនារី Kpop BLACKPINK បានជួបនឹងជំទាវទីមួយរបស់ប្រទេសបារាំងលោកស្រី Brigitte Macron ជាភរិយាប្រធានាធិបតីបារាំងលោក Emmanuel Macron បន្ទាប់ពីការប្រគុំតន្ត្រី Gala នៅសាលប្រគុំតន្ត្រី Le Zenith ក្នុងតំបន់ Parc Villette នៃទីក្រុងប៉ារីស ។

BLACKPINK បានទៅលេងទីក្រុងប៉ារីស ដើម្បីចូលរួមការប្រគុំតន្ត្រី “Le Gala des Pièces Jaunes” ដែលរៀបចំដោយមូលនិធិមន្ទីរពេទ្យបារាំង ដឹកនាំដោយលោកស្រី Macron និងបានជួបហើយថតរូបជុំគ្នាជាមួយជំទាវទីមួយរបស់បារាំង ដោយលោកស្រី Macron បានទទួលតំណែងជាប្រធានមូលនិធិមន្ទីរពេទ្យនៅឆ្នាំ ២០១៩ ។

នេះមិនមែនជាលើកទីមួយទេដែល BLACKPINK និងលោកស្រី Brigitte Macron បានជួបគ្នា កាលពីខែធ្នូ ឆ្នាំ ២០២២ លោកស្រី Macron ក៏ត្រូវបានគេឃើញទៅទស្សនាការប្រគុំតន្ត្រីនៃដំណើរទេសចរណ៍អឺរ៉ុបរបស់ BLACK PINK នៅទីក្រុងប៉ារីសផងដែរ។ ក្រៅពី BLACKPINK តារាចម្រៀងលំដាប់ពិភពលោកដូចជា Pharrell Williams និង Mika ក៏បានឡើងឆាករកប្រាក់ចំណូល ហើយបរិច្ចាគប្រាក់ពីការលក់សំបុត្រ​ទៅមូលនិធិមន្ទីរពេទ្យបារាំង។

ជាមួយគ្នានេះ បន្ទាប់ពីការប្រគុំតន្ត្រី “Le Gala des Pièces Jaunes” រួចមកBLACKPINK នឹងបន្តដំណើរការប្រគុំតន្ត្រីទេសចរណ៍ born pink របស់ខ្លួនដោយរៀបចំការសម្តែងនៅទីក្រុង Abu Dhabi ប្រទេសអារ៉ាប់រួម នៅថ្ងៃទី ២៨ នាពេលខាងមុខនេះ ៕

ប្រែសម្រួល៖នាងតូច

ចុចអាន៖Lisa បំបែកកំណត់ត្រាពិភពលោក Guinness ដល់ទៅ ៥ ក្នុងឆ្នាំតែមួយ

ចុចអាន៖រូបថតមួយសន្លឹករវាង Lisa និង Neymar កំពុងក្លាយជាប្រធានបទក្ដៅ របស់ហ្វេនជុំវិញពិភពលោក