Lisa សមាជិកក្រុម BLACKPINK ទើបតែទិញផ្ទះប្រណិតឯកជនតម្លៃ ៧.៥ ពាន់លានវ៉ុន (ប្រហែល ៦.០៥ លានដុល្លារអាមេរិក) នៅក្នុងតំបន់ Seongbuk-dong ជាកន្លែងអ្នកមាននិងមហាសេដ្ឋីក៏ដូចជាតារាល្បីៗរស់នៅទីនេះ។

យោងទៅតាមប្រព័ន្ធផ្សព្វផ្សាយសេដ្ឋកិច្ច Biz Korea របស់កូរ៉េបានរាយការណ៍នៅថ្ងៃទី ១ ខែ កុម្ភៈ ឲ្យដឹងថា Lisa សមាជិកក្រុម BLACKPINK ថ្មីៗនេះបានទិញផ្ទះបីជាន់ (ជាន់ក្រោមមួយ និងជាន់ផ្ទាល់ដីពីរ) នៅ Seongbuk-dong ដែលជាតំបន់អ្នកមាននិងមហាសេដ្ឋីចូលចិត្តរស់នៅក្នុងប្រទេសកូរ៉េ។ ក្នុងនោះ Lisa ត្រូវបានគេទម្លាយឲ្យដឹងថានាងចុះហត្ថលេខាលើកិច្ចសន្យាទិញផ្ទះប្រណិតនេះកាលពីខែ កក្កដា ឆ្នាំ ២០២២ ហើយបានបញ្ចប់ការបង់ប្រាក់នៅក្នុងខែ មករា ឆ្នាំ ២០២៣ ។

ផ្ទះដែល Lisa បានទិញមានតម្លៃ ៧.៥ ពាន់លានវ៉ុន (ប្រហែល ៦.០៥ លានដុល្លារអាមេរិក) ហើយត្រូវគេដឹងថាផ្ទះប្រណិតដែលនាងបានទិញនេះគឺជាកម្មសិទ្ធិរបស់ចៅស្រីរបស់លោក Shin Kyuk-ho អតីតប្រធានកិត្តិយសនៃ Lotte Group ។

យ៉ាងណាមិញ តំបន់ Seongbuk-dong មានភាពល្បីល្បាញនិងមានកិត្យានុភាពបំផុតមួយក្នុងប្រទេសកូរ៉េ ដែលមានអ្នកមាននិងមហាសេដ្ឋីចូលចិត្តរស់នៅដូចជា តារាសម្តែង Bae Yongjoon និង Lee Seunggi ក៏ដូចជា ប្រធានក្រុមហ៊ុន Hyundai Group និង Hyundai Department Store និងជាច្រើនទៀត៕

ប្រែសម្រួល៖នាងតូច

ចុចអាន៖អ្នកគាំទ្រសរសើរចរិត Jennie ពេលទៅទស្សនាវិហារឥស្លាមនៅឌូបៃ