Leonardo DiCaprio ដែលគេស្គាល់ថាជាតួប្រុសក្នុងរឿង “កប៉ាល់ទីតានិច” កំពុងត្រូវមហាជនក្នុងបណ្ដាញសង្គមអ៉ីនធឺណែតបាញ់ស្ពឹកមុខ​ បន្ទាប់ពីបែកធ្លាយរូបអង្គុយជិតតារាម៉ូដែល Eden Polan អាយុទើបតែ ១៩ ឆ្នាំក្នុងកម្មវិធីតន្ត្រីមួយ ។

ពាក្យចចាមរ៉ាមដែលលេចឮបង្កើតបានជាសម្ដីផ្លែផ្កាជាច្រើនពីសំណាក់មហាជនដូចជា “សង្សាររបស់ Leo ក្មេងខ្លាំងណាស់ ដល់ថ្នាក់ការសិក្សាត្រូវរំខានដោយជំងឺកូវីដ-១៩” មួយទៀតនិយាយថា “សង្សារ Leo ក្មេងជាងសត្វឆ្កែ” ចំណុចនេះគេសំដៅទៅលើឆ្កែ Bobi អាយុ ៣០ ឆ្នាំចាស់ជាងគេបំផុតនៅលើលោក ។

ទន្ទឹមនេះប្រភពច្បាស់លាស់បានឲ្យដឹងថា ពួកគេទាំងពីរមិនមានអ្វីនឹងគ្នាទេគ្រាន់តែអង្គុយជិតគ្នាធម្មតាដោយចៃដន្យប៉ុណ្ណោះ ណាមួយនៅទីនោះមានមនុស្សច្រើនគួរសមដែរមិនអាចជាទំនាក់ទំនងស្នេហាឡើយ ។

យ៉ាងណាក្ដីពាក្យចចាមរ៉ាមនៅតែមិនអាចរលត់ដដែលដោយសារលោក Leo ធ្លាប់មានប្រវត្តិទាក់ទងតារាម៉ូដែលវ័យក្មេងជាច្រើនពីមុនមកដូចជា Camila Morrone និង Gigi Hadid ជាដើម ។

ជាក់ស្ដែងរាល់ទំនាក់ទំនងស្នេហាទាំងអស់លោកមិនដែរដាក់ចិត្តយកជាការម្ដងណាទេ ព្រោះ Leo ជឿថាគូព្រេងពិតប្រាកដនឹងមកដល់ពេលសក្ដិសម ៕

ប្រែសម្រួល ៖ វារី

ចុចអាន ៖ ពេលនេះតួឯកប្រុសរឿង “កប៉ាល់ Titanic” និងតារាម៉ូដែល Gigi ត្រូវគេប្រទះឃើញស្និតស្នាលគ្នាខ្លាំង

ចុចអាន ៖ ខុសជំនាន់ ២២ឆ្នាំ ពេលនេះអតីតតួឯកប្រុស “កប៉ាល់ទីតានិច” ចែកផ្លូវគ្នាជាមួយមិត្តស្រី