Minji នៃក្រុម NewJeans បង្កភាពចម្រូង ចម្រាស ក្រោយក្លាយជាទូតឆន្ទៈ Chanel ដូចគ្នានឹង Jennie

Minji នៃក្រុម NewJeans បានបង្កឱ្យមានភាពចម្រូងចម្រាសនៅពេលដែលនាងត្រូវបានជ្រើសរើសក្លាយជាទូតសុឆន្ទៈឲ្យម៉ាកយីហោប្រណិត Chanel ដូចគ្នានឹង Jennie សមាជិកក្រុម Blackpink ។

នៅព្រឹកថ្ងៃទី១៤ ខែកុម្ភៈ សារព័ត៌មានកូរ៉េបានចុះផ្សាយថា តារាស្រី Minji នៃក្រុម NewJeans បានក្លាយជាឯកអគ្គរាជទូតម៉ាក Chanel លើវិស័យទាំង៣ ទាំងម៉ូដ សម្រស់ និងនាឡិកាក៏ដូចជាគ្រឿងអលង្ការ។ នេះជាលើកទីមួយហើយដែលទូតឆន្ទៈកូរ៉េតំណាងឱ្យ Chanel ទាំងបីផ្នែក។

ជាពិសេសម៉ាកយីហោ Chanel មិនមានទូតឆន្ទៈសកលទេ ដូច្នេះហើយ Minji តំណាងឱ្យ Chanel ក្នុងវិស័យទាំង ៣ តារាស្រីរូបនេះមានមានតួនាទី ដូចគ្នានឹង Jennie នៃក្រុម Blackpink ក៏ដូចជាទូត ឆន្ទៈ Chanel ជាច្រើនទៀតនៅជុំវិញពិភពលោក។ មុនពេលប្រព័ន្ធផ្សព្វផ្សាយកូរ៉េបានរាយការណ៍ ជាផ្លូវការ Minji បាននៅលើក្របទស្សនាវដ្តី Elle Korea ចេញផ្សាយសម្រាប់ខែ មីនា ឆ្នាំ ២០២៣ដោយបានបង្ហាញថា Minji ជាទូតឆន្ទៈ Chanel ថ្មី ។

ដូច្នេះ ក្រុមចម្រៀងស្រី NewJeans មានសមាជិកចំនួន ៥ នាក់មានសមាជិក ៤ នាក់ដែលត្រូវបាន ជ្រើសរើសជាទូតឆន្ទៈនៃម៉ាកម៉ូដលំដាប់ខ្ពស់។ ជាមួយគ្នា Hanni ក្លាយជាទូតឆន្ទៈ របស់ Gucci និងHyein ទូតឆន្ទៈ Louis Vuitton ក៏ដូចជា Danielle តំណាងឲ្យ Burberry ។ មានតែ Haerin ប៉ុណ្ណោះដែលកំពុងទាក់ទងជាមួយម៉ាកយីហោ ហើយត្រូវបានគេរំពឹងថានឹងមានតំណែងជាទូតឆន្ទៈក្នុងពេលឆាប់ៗនេះ៕

ប្រែសម្រួល៖នាងតូច

ចុចអាន៖បុគ្គលល្បី ៥ រូប មហាជនចង់ជូនផ្កាកុលាបក្នុងថ្ងៃនៃក្តីស្រឡាញ់បំផុត