Rain និងភរិយា ទិញផ្ទះតម្លៃវាល់លាននៅអាមេរិក ទុកឲ្យកូនស្នាក់នៅពេលកំពុងសិក្សា

យោងទៅតាមសារព័ត៌មានកូរ៉េបានចុះផ្សាយឲ្យដឹងថា មានតារាជាច្រើនរួមទាំងប្តីប្រពន្ធតារាចម្រៀង Rain និង Kim Tae Hee បានចំណាយប្រាក់យ៉ាងច្រើនទិញផ្ទះនៅ Irvine រដ្ឋ California សហរដ្ឋអាមេរិក ដើម្បីបញ្ជូនកូនរបស់ពួកគេទៅសិក្សានៅបរទេស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ១៤ ខែកុម្ភៈ សារព័ត៌មាន Xports បានរាយការណ៍កម្មវិធីកម្សាន្តរបស់ tvN រឿង Story Free Han Doctor បានរៀបរាប់ពីការវិនិយោគលើការអប់រំ ដល់កូនៗរបស់តារាកំពូលរបស់ប្រទេសកូរ៉េ។ ជាពិសេសប្តីប្រពន្ធតារាចម្រៀង Rain និង Kim Tae Hee ក៏បានទិញផ្ទះមួយខ្នងនៅ Irvine ក្នុងតម្លៃ ២.៤ ពាន់លានវ៉ុន (ជិត ១.៩ លានដុល្លារអាមេរិក) ដើម្បីឲ្យកូនពួកគេស្នាក់នៅអំឡុងពេកកំពុងសិក្សា។

ជាមួយគ្នានេះ ហេតុផលដែលតំបន់ Irvine នេះល្បីគឺទីក្រុងដែលមានឯកទេសខាងការអប់រំរបស់កុមារ ដោយសារតែវានៅជិតសាកលវិទ្យាល័យកំពូលៗរបស់ពិភពលោក។ ដូច្នោះហើយជាគោលដៅសំណព្វរបស់គ្រួសារអ្នកមាននិងតារាកូរ៉េ ដោយស្ថិតិបង្ហាញថាប្រហែល ៥,០០០ ក្នុងចំណោម ៣០,០០០ នៃសិស្សបឋមសិក្សាកណ្តាល និងវិទ្យាល័យនៅ Irvine គឺជាសិស្សកូរ៉េ ។

ទោះជាយ៉ាងណាក៏ដោយ ក្រៅពីប្តីប្រពន្ធតារាចម្រៀង Rain និង Kim Tae Hee តារាជាច្រើនទៀតក៏បានទិញផ្ទះនៅទីនោះដើម្បីឲ្យកូនទៅរៀនដូចកូនៗរបស់ Son Ji Chang និង Oh Yeon Soo, Lee Jae Ryong និង Yu Ho Jeong និង Han Seok Kyu សុទ្ធតែសិក្សានៅទីនេះ ៕

ប្រែសម្រួល៖នាងតូច

ចុចអាន៖Minji នៃក្រុម NewJeans បង្កភាពចម្រូង ចម្រាស ក្រោយក្លាយជាទូតឆន្ទៈ Chanel ដូចគ្នានឹង Jennie