ជីវិតកម្សាន្ដ
បាត់មុខសិល្បៈយូរឆ្នាំ! តារាសម្ដែងជើងចាស់ គន់ តារាវណ្ណ ធ្លាក់ខ្លួនឈឺជំងឺបេះដូង
តារាសម្ដែងជើងចាស់ល្បីឈ្មោះនាអំឡុងទសវត្សរ៍ ៨០ លោកគ្រូ គន់ តារាវណ្ណ បន្ទាប់ពីបាត់មុខពីសិល្បៈមួយសន្ទុះធំ ស្រាប់តែមានដំណឹងថា បច្ចុប្បន្នលោកកំពុងមានជំងឺប្រចាំកាយបាត់បង់សមត្ថភាពសម្ដែង និងជួបការខ្វះខាតសម្រាប់ជីវភាពក្នុងគ្រួសារ។
បើតាមការបញ្ជាក់ឲ្យដឹងពីតារាសម្ដែងលោក អ៊ឹម ជីវ៉ា ដែលបានជួបផ្ទាល់ជាមួយតារាសម្ដែងជើងចាស់រូបនេះបាននិយាយថា តារាសម្ដែងជើងចាស់ដែលល្បីឈ្មោះតាមរយៈការសម្ដែងតួអង្គជាស្ដេចលោកគ្រូ គន់ តារាវណ្ណ ពេលនេះធ្លាក់ខ្លួនឈឺជំងឺបេះដូង។
លោកលើកឡើងទៀតថា វាជារឿងចៃដន្យណាស់ស្របពេលដែលអ្នកម្ដាយជំទាវ ហ៊ុន ស៊ីណាត បានដឹកនាំក្រុមការងារទៅចុះចែកអំណោយ និងកាត់ខ្សែបូនៅខេត្តរតនគីរី ហើយក៏ឆៀងចូលខេត្តមណ្ឌលគីរី ស្រាប់តែបានជួបតារាសម្ដែងជើងចាស់ក្នុងរូបភាពស្គមស្គាំង។
លោក អ៊ឹម ជីវ៉ា និយាយទៀតថា ពេលនោះលោកគ្រូក៏បានមកនិយាយប្រាប់អ្នកម្ដាយជំទាវ ហ៊ុន ស៊ីណាត ឲ្យជួយឧបត្ថម្ភគាត់ផង គាត់កំពុងខ្វះខាតត្រូវការជំនួយដើម្បីព្យាបាលជំងឺរបស់គាត់ ព្រោះគាត់មានជំងឺបេះដូង ហើយគាត់ក៏បានប្រាប់ថា កន្លងមកក៏មានសម្ដេចតេជោ ហ៊ុន សែន និងសម្ដេច ប៊ុន រ៉ានី ហ៊ុនសែន មកជួយម្ដងហើយ តែដោយសារជំងឺវាធ្ងន់ គឺទប់ទល់មិនជាប់ទេ ដូចនេះ ថ្ងៃនេះបានជួបលោកជំទាវ ហ៊ុន ស៊ីណាត ហើយក៏សុំឲ្យលោកជំទាវ ហ៊ុន ស៊ីណាត និងសប្បុរសជនជួយផង។
លោកបន្តថា ដោយមើលឃើញពីភាពលំបាកបែបនេះ លោកជំទាវចិត្តបុណ្យ ហ៊ុន ស៊ីណាត ក៏បានជូនជាថវិកាមួយចំនួនដើម្បីជូនដល់លោកគ្រូ គន់ តារាវណ្ណ ដើម្បីយកទៅដោះទាល់មួយគ្រា។
សូមបញ្ជាក់ដែរថា តារាសម្ដែងលោកគ្រូ គន់ តារាវណ្ណ ជាតារាសម្ដែងជើងចាស់មួយរូបដែលមានទេពកោសល្យ ហើយក៏ជាមន្ត្រីរាជការមួយរូបផងដែរ តែដោយសារជំងឺក្នុងខ្លួនច្រើនពេក ទើបធ្វើឲ្យតារាសម្ដែងជើងចាស់រូបនេះបាត់បង់សមត្ថភាពក្នុងការសម្ដែង និងបំពេញការងារ៕
អត្ថបទ ៖ ចាន់រ៉ា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ