Song Joong Ki បង្ហាញខ្លួនយ៉ាងរីករាយ នៅព្រលានយន្តហោះជាមួយនឹងភរិយា

បើយោងទៅតាមប្រព័ន្ធផ្សព្វផ្សាយកូរ៉េបានឲ្យដឹងថា Song Joong Ki និងប្រពន្ធរបស់លោកនៅឯព្រលានយន្តហោះនាថ្ងៃទី ១៦ ខែកុម្ភៈ ដោយអ្នកទាំងពីរបានចេញដំណើរទៅប្រទេសហុងគ្រីដើម្បីថតរឿងថ្មីមួយ ។

នៅព្រឹកថ្ងៃទី១៦ ខែកុម្ភៈ តារាសម្តែងSong Joong Ki និងភរិយាជនជាតិអង់គ្លេស Katy Louise Saunders បានបង្ហាញខ្លួននៅនៅឯអាកាសយានដ្ឋានអន្តរជាតិ Incheon ដោយតារារូបនេះតែងតែទៅជិតប្រពន្ធហើយយកចិត្តទុកដាក់មើលថែនាងកំពុងមានផ្ទៃពោះ។ ជាមួយគ្នានេះក្រុមហ៊ុនគ្រប់គ្រងមិនបានប្រកាសពីកាលវិភាគជាក់លាក់របស់ Song Joong Ki និងភរិយារបស់គាត់ទេ ។

ប៉ុន្តែសារព័ត៌មាន Xports បានរាយការណ៍ថា តារាសម្ដែង និងភរិយាបានចេញដំណើរទៅប្រទេសហុងគ្រី ដើម្បីថតរឿងថ្មី Ro Ki Wan លោកនឹងស្នាក់នៅទីនេះថតរឿងប្រហែលរយៈពេល ២ ខែ។ នៅក្នុងខ្សែភាពយន្ត Ro Ki Wan នេះ Song Joong Ki ដើរតួជាជាជនភៀសខ្លួន បន្ទាប់មកបានធ្វើអន្តោប្រវេសន៍ខុសច្បាប់ទៅប្រទេសបែលហ្ស៊ិក។

យ៉ាងណាមិញ Song Joong Ki បានបញ្ជាក់ពីអាពាហ៍ពិពាហ៍របស់លោកជាមួយ Katy Louise Saunders កាលពីថ្ងៃទី ៣១ ខែមករា ដោយលោកបានប្រកាសឲ្យដឹងថា ប្រពន្ធរបស់លោកមានផ្ទៃពោះ ប៉ុន្តែលោកមិនបានប្រាប់ឱ្យដឹងថាតើនាងសម្រាលកូននៅពេលណានោះទេ ៕

ប្រែសម្រួល៖នាងតូច

ចុចអាន៖តារា K-pop ៨ រូប បង្ហាញរូបតែមួយសន្លឹក ក៏អាចទាញចំណូលរាប់លានដុល្លារឲ្យប្រេនធំៗ