Janie ប្រកាសឈប់យកទាយាទ​ ក្នុងវ័យ ៤១ឆ្នាំ

តារាសម្ដែង និងបង្ហាញម៉ូដថៃ Janie Tienphosuwan ប្រកាសឈប់យកទាយាទទៀតហើយ ដោយនាងលើកហេតុផលថា ការចិញ្ចឹមបីបាច់កូនពិតជាមានភាពលំបាក និងហត់នឿយខ្លាំង ទម្រាំពួកគេធំធាត់ អាចមើលថែខ្លួនឯងបាន។

ថ្លែងនៅក្នុងបទសម្ភាសន៍ជាមួយអ្នកសារព័ត៌មានក្នុងឱកាសប្រារព្ធ​​ខួប ​៥៣​ឆ្នាំ​នៃ​កម្មវិធី​កម្សាន្ត​របស់​ស្ថានីយ​ទូរទស្សន៍​​ប៉ុស្ដិ៍​លេខ​៣ Janie ​បាននិយាយដោយមិនស្ទាក់ស្ទើរថា នាងគ្មាន​បំណងមាន​កូន​ទី​២​នោះ​ទេ បើទោះបីជាស្វាមីរបស់នាងចង់មានប្អូនសម្រាប់កូនទី១របស់នាងក៏ដោយ។

ជាមួយគ្នាដែរ តារាស្រីវ័យ ៤១ឆ្នាំរូបនេះ បានប្រាប់មូលហេតុថា នាងគ្មានពេលគ្រប់គ្រាន់សម្រាប់មើលថែកូននោះទេ។ ដូច្នេះការបញ្ឈប់ការយកកូននៅពេលនេះ ​គឺជារឿងល្អទាំងចំពោះនាង និងកូនស្រីច្បងរបស់នាងផងដែរ។ លុះនៅពេលអ្នកកាសែតចោទសួរអំពីមេដោះ Janie ​តបថា ខ្លួនចង់ចិញ្ចឹមកូនដោយដៃនាងផ្ទាល់៕

ប្រែសម្រួល៖ សន្យា

ចុចអាន៖ ទស្សនាទិដ្ឋភាពតារាសម្ដែងប្រុសថៃ អបអរខួប ៥៣ ឆ្នាំ របស់ប៉ុស្តិ៍លេខ ៣

ចុចអាន៖ លេចមុខជាសាធារណៈម្ដងទៀត Pinky ជាអ្នក Live លក់ផលិតផលអនឡាញ