ហ្វាន ពីងពីង បង្ហាញមុខម្តងទៀត នៅឯមហោស្រពភាពយន្តទីក្រុងប៊ែកឡាំង

បន្ទាប់ពីឆ្លងកាត់រឿងអាស្រូវគេចពន្ធអស់មួយរយៈ តារាសម្តែង ហ្វាន ពីងពីង បានបង្ហាញមុខជាថ្មីម្តងទៀត ដោយទៅចូលរួមមហោស្រពភាពយន្តទីក្រុងប៊ែកឡាំង ប្រទេសអាល្លឺម៉ង់ ក្នុងគម្រោងភាពយន្តចុងក្រោយបំផុតរបស់នាងដែលចាក់បញ្ចាំងនៅទីនេះ។

យ៉ាងទៅតាមប្រភព Sina បានឲ្យដឹងថាតារាសម្តែង ហ្វាន ពីងពីង បានបង្ហាញខ្លួននៅអាកាសយានដ្ឋានប៉េកាំង ដើម្បីទៅអឺរ៉ុប។ នាងនឹងចូលរួមក្នុងមហោស្រពភាពយន្តទីក្រុងប៊ែកឡាំង ប្រទេសអាល្លឺម៉ង់ និង Paris Fashion Week នៅឯប្រទេសបារាំង ដែលភាពទាក់ទាញ និងប្រណិតភាពនៃសម្រស់របស់នាងទាក់ទាញចំណាប់អារម្មណ៍សាធារណ ជនជាខ្លាំង ។

គម្រោងភាពយន្តចុងក្រោយបង្អស់របស់ ហ្វាន ពីងពីង និងតារាសម្តែងកូរ៉េ Lee Joo Young នឹងត្រូវដាក់បញ្ចាំងជាលើកដំបូងនៅមហោស្រពភាពយន្តទីក្រុងប៊ែកឡាំងលើកទី ៧៣ នៅថ្ងៃទី ២៦ ខែ កុម្ភៈ។ ខ្សែភាពយន្តនេះក៏បានចូលទៅក្នុងប្រភេទរឿង Panorama នៅក្នុងមហោស្រពភាពយន្តឆ្នាំនេះផងដែរ ។

នៅក្នុងខ្សែភាពយន្តនេះ ហ្វាន ពីងពីងនិងតារាសម្តែងកូរ៉េ Lee Joo Young ដើរតួជាគូស្នេហ៍ស្រលាញ់ភេទដូចគ្នា ដែលភាពយន្តនេះនិយាយពីរឿងស្ត្រីពីរនាក់ដែលព្យាយាមរត់ចេញពីស្វាមីយ៉ាងអស់សង្ឃឹម ជាពិសេសអ្នកទាំងពីរនិងមាននឹងមានឈុតក្ដៅសាច់គួរសម ហើយហ្វាន ពីងពីង នឹងនិយាយភាសាកូរ៉េសម្រាប់ភាពយន្តទាំងមូល ។

ទោះបីជានាងមិនមានសកម្មភាពសិល្បៈនៅក្នុងប្រទេសចិនបន្ទាប់ពីរឿងអាស្រូវគេចពន្ធក៏ដោយក៏ ហ្វាន ពីងពីង នៅតែព្យាយាមឱ្យអស់ពីសមត្ថភាពដើម្បីចូលរួមក្នុងគម្រោងអភិវឌ្ឍន៍នៅក្រៅប្រទេស លើសពីនេះ នាងក៏ទទួលបានជោគជ័យក្នុងមុខជំនួញម៉ាកគ្រឿងសម្អាងរបស់ខ្លួនផងដែរ ៕

ប្រែសម្រួល៖នាងតូច

ចុចអាន៖Lee Jongsuk ទម្លាយចរិតមិត្តស្រី IU ជាមនុស្សកំប្លែងបំផុតក្នុងលោក