ជីវិតកម្សាន្ដ

មហាជនជីកកកាយរូបភាពស្និទ្ធស្នាលកាល៨ឆ្នាំមុន រវាង Bella និង Mew

បានផុស

១ year មុន

នៅ

ថ្ងៃអង្គារ ៧ មីនា ២០២៣

ដោយ

បន្ទាប់ពីអ្នកលេងអ៊ីនធឺណិតបានទម្លាយឃ្លិបពីព្រឹត្តិការណ៍នៃកាបូបម៉ាកល្បីៗ ជាមួយតារាស្រីៗដែលត្រូវគេអញ្ជើញឲ្យចូលរួម ក្នុងនោះគេឃើញ Bella និង Mew Nittha ក៏មានវត្តមាននៅកន្លែងនោះដែរ។ ក្រោយមកមហាជនបានឃើញ Mew ត្រូវបែរទៅម្ខាងហើយគ្រប់គ្នាឈរចំហៀង ខណៈ Bella បែរឈរយ៉ាងលេចធ្លោនៅកណ្តាលដោយមិនខ្វល់ពីនរណាទាំងអស់។

ទោះយ៉ាងណា កាលពីពេលថ្មីៗនេះ អ្នកលេងបណ្តាញសង្គមមួយក្រុមបានទម្លាយរូបថតកាលពី៨ឆ្នាំមុន ដែលជាព្រឹត្តិការណ៍បាល់ទាត់ប្រពៃណីរបស់ប៉ុស្តិ៍លេខ៣ នៃខួប៤៥ឆ្នាំ ដោយមានរូបភាព Bella Ranee និង Mew Nittha ដើរចាប់ដៃគ្នាបង្ហាញភាពស្និទ្ធស្នាល ដោយអ្នកទាំងពីរបញ្ចេញអត្តចរិតដូចជាមិត្តសម្លាញ់មើលទៅពិតសប្បាយរីករាយយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញក្រោយរូបប៉ុន្មានសន្លឹកបង្ហោះជាសាធារណៈ មហាជនជាច្រើនបានចូលទៅបញ្ចេញមតិនិងចង់ឲ្យអ្នកទាំងពីរក្លាយជាមិត្តនឹងគ្នាច្រើនជាងមានបញ្ហាលើបណ្ដាញសង្គមដូចពេលនេះ ចំណែកមនុស្សមួយចំនួនធំខ្លះក៏ចង់ឃើញពេលវេលាបែបនេះម្តងទៀត ពីព្រោះមិនថា Mew Nittha ឬ Margie Rasri ពួកគេសុទ្ធតែស្ថិតក្នុងទ្រនំប៉ុស្តិ៍លេខ៣ដូចគ្នាទាំងអស់។

សូមរម្លឹកដែរថា កាលដែលតារាស្រី Bella មានបញ្ហាប្រទាក់ក្រឡាគ្នាជាមួយអ្នករួមជំនាន់ គឺផ្ដើមដំបូងដោយ Margie Rasri បាននិយាយក្នុងឆានែលរបស់ Mai Davika ថានាងមិនចង់រួមការងារជាមួយតារាស្រីវ័យក្មេងរូបនេះទៀតឡើយ ប្រសិនបើមានឱកាសម្ដងទៀត។ ដែលប្រយោគនេះបានធ្វើឲ្យអ្នកលេងអ៉ិនធើណេតផ្ដោតលើ Bella ហើយវាក៏បានប៉ះពាល់ដល់ហ្វេនរបស់នាងថែមទៀតផង។ មនុស្សភាគច្រើនគិតថាបញ្ហានេះមិនគួរលើកយកមកពិភាក្សាតាមប្រព័ន្ធផ្សព្វផ្សាយទេ ព្រោះនឹងប៉ះពាល់ដល់អ្នកដទៃ ហើយក៏ធ្វើឲ្យអ្នកលេងបណ្ដាញសង្គមព្យាយាមគាស់កកាយ ឃកលិបវចាស់ៗជាមួយនឹងតំណភ្ជាប់ទៅកាន់ Bella Ranee ចំៗតែម្ដង ៕