ជីវិតកម្សាន្ដ

តួឆ្នាសរឿង “ស្អប់ព្រោះស្រលាញ់” លួចយំក្នុងបន្ទប់ទឹក បន្ទាប់ពីធ្វើការជាមួយរៀមច្បង Anne

បានផុស

៣ ខែ មុន

នៅ

ថ្ងៃអង្គារ ៧ មីនា ២០២៣

ដោយ

តារាចម្រៀងនិងសម្ដែងដ៏មានទេពកោសល្យ Namcha Sheranut Yusananda កាលពីថ្ងៃទី០៦ ខែមីនា នាងបានទម្លាយអារម្មណ៍ពិតក្នុង Channel YouTube របស់ Nam Cha Chiranat ថា ធ្លាប់លួចយំក្នុងបន្ទប់ទឹក ក្រោយធ្វើការជាមួយរៀមច្បង Anne Thongprasom ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងរូបនេះបាននិយាយថា ការសម្ដែងគឺពិបាកជាងការធ្វើតន្ត្រី។ ព្រោះការសម្ដែងយើងត្រូវតែជាអ្នកផ្សេង ច្រៀងគឺជាយើងពិតៗ បើជាតួអង្គយើងត្រូវស្រូបយកតួអង្គនោះហើយសម្ដែងឲ្យត្រូវនឹងសាច់រឿង។ ការសម្ដែងត្រូវចំណាយថាមពលច្រើន ប៉ុន្តែវាសប្បាយ។ ប៉ុន្តែយើងមិនអាចជ្រើសរើសបានទេ។ ត្រូវតែធ្វើគ្រប់តួនាទីដែលគេតម្រូវមក។

តារាសម្ដែង Namcha បាននិយាយទៀតថា “រឿងដំបូងដែលលេងជាតួអង្គអាក្រក់គឺមិនមែនជារឿងងាយស្រួលទេ ប៉ុន្តែ បង Anne បានផ្តល់ឱកាសដល់ខ្ញុំ។ ខ្ញុំបានចំណាយពេលសម្រាកអាហារថ្ងៃត្រង់រត់ទៅយំក្នុងបន្ទប់ទឹក។ ពេលនោះវាពិតជាតានតឹងខ្លាំង។ ពេលខ្លះខ្ញុំគេងមិនលក់ទេ ព្រោះនៅគិតដល់រឿងទាំងនោះ តែក្រោយមកបង Anne បានបង្រៀនខ្ញុំពីរបៀបប្រយុទ្ធនិងត្រូវសម្ដែងឲ្យសមនឹងសាច់រឿងតម្រូវ”។

ទោះយ៉ាងណា មហាជននៅចាំបានថា Namcha Sheranut ធ្លាប់សម្ដែងជាតួអង្គកាចឆ្នាសក្នុង “រឿងស្អប់ព្រោះស្រលាញ់” ដែលមានតួឯកស្រីគឺ Kimberly និង James ma ហើយកាលណោះទស្សនិកជនពិតជាសរសើរពីចរិតលក្ខណៈតួកាចសក្ដិសមឥតខ្ចោះរបស់នាង ដែលធ្វើឲ្យសាច់រឿងកាន់តែល្អមើលពីមួយភាគទៅមួយភាគផងដែរ៕