Kim Saeron នឹងត្រូវផាកពិន័យពីបទបើកបរក្នុងស្ថានភាពស្រវឹង ក្រោយកាត់ក្តីលើកដំបូង

កាលពីថ្ងៃទី ៨ ខែ មីនា ការកាត់ក្តីលើកដំបូងលើករណីបំពានច្បាប់ចរាចរណ៍ផ្លូវគោករបស់តារាសម្តែង Kim Sae Ron បានធ្វើឡើង ហើយតារាស្រីរូបនេះត្រូវប្រឈមនឹងការពិន័យជាប្រាក់ចំនួន ២០ លានវ៉ុន ( ប្រហែល ១៥,១១០ ដុល្លារអាមេរិក) ។

តារាសម្តែង Kim Saeron បានចូលរួមក្នុងការកាត់ក្តីលើកដំបូងរបស់នាង នៅតុលាការកណ្តាលទីក្រុងសេអ៊ូល និងរងការផាកពិន័យពីបទបំពានច្បាប់ចរាចរណ៍ផ្លូវគោក ដោយបានបើកបរក្រោមឥទ្ធិពលគ្រឿងស្រវឹងកាលពីឆ្នាំមុន។ ក្នុងឧបទ្ទវហេតុនេះបានបណ្តាលឱ្យខូចសម្បត្តិសាធារណៈ ដែលនាំឱ្យមានការដាច់ចរន្តអគ្គិសនីប៉ះពាល់ដល់អាជីវកម្ម និងគ្រឿងបរិក្ខារជាច្រើន ជាមួយគ្នានាងក៏ព្យាយាមរត់គេចពីកន្លែងកើតហេតុ ហើយនាងបដិសេធមិនធ្វើតេស្តខ្យល់ដង្ហើមរកមើលគ្រឿងស្រវឹង ។

នៅក្នុងអំឡុងពេលសវនាការតារាសម្តែង Kim Saeron បាននិយាយថា “ឧបទ្ទវហេតុបែបនេះនឹងមិនកើតឡើងម្តងទៀតទេ ខ្ញុំពិតជាសោកស្តាយណាស់ ខ្ញុំកំពុងគិតពិចារណាលើខ្លួនឯង”។ ចំពោះកំហុសរបស់នាង Kim Saeron ត្រូវបានស្នើសុំឱ្យបង់ប្រាក់ពិន័យចំនួន ២០ លានវ៉ុន (ប្រហែល ១៥,១១០ ដុល្លារអាមេរិក) សម្រាប់ការខូចខាត ។

ទាក់ទងនឹងបញ្ហានេះ បេធាវីរបស់របស់ Kim Saeron បាននិយាយថា «បច្ចុប្បន្ននាងកំពុងជួបការលំបាកផ្នែកហិរញ្ញវត្ថុ ដោយសារនាងត្រូវចំណាយលើការខូចខាត (គ្រោះថ្នាក់) យើងសុំឲ្យចៅក្រមពិចារណាឡើងវិញ»។ ទន្ទឹមនឹងនោះសវនាការបន្ទាប់របស់ Kim Saeron នឹងធ្វើឡើងនៅថ្ងៃទី ៥ ខែមេសា ដែលក្នុងនោះនាងត្រូវបានគេរំពឹងថានឹងទទួលបានសាលក្រមចុងក្រោយរបស់នាង ៕

ប្រែសម្រួល៖នាងតូច

ចុចអាន៖Lisa រងការរិះគន់ពីហ្វេនថៃ រឿងសាក់លើខ្នង