មានផ្ទៃពោះក៏ពិតមែនតែ Patricia ថែរក្សាខ្លួនជាប់លាប់ណាស់

អាច​និយាយ​បាន​ថា​ជា​ពេល​វេលា​ដែល​ពោរពេញ​ដោយ​សុភមង្គល សម្រាប់តារាស្រី Patricia Good បន្ទាប់ពីប្រកាសដំណឹងល្អថាមានផ្ទៃពោះកូនដំបូង ជាមួយស្វាមី Note Wiset ​សម្រស់របស់​នាងកាន់តែ​ភ្លឺ​ចែងចាំង​លើសមុនទៀត។

យ៉ាងណាមិញតារាសម្ដែង Patricia បានបង្ហាញយ៉ាងច្បាស់នូវក្បាលពោះ​ដែល​កំពុង​លូតលាស់​កូន​ក្នុង​ផ្ទៃ​​ ស្របពេលដែលមិត្តសម្លាញ់នាងឈរក្បែរ​និងដាក់ដៃលើនាងដើម្បី​ហាត់​ប្រាណ​ជាមួយ​គ្នា។ ក្នុង​នោះ​អ្នក​ម្ដាយ​វ័យក្មេងរូបនេះ​ក៏​បាន​បញ្ចេញ​ទឹក​មុខ​ស្រស់​ថ្លា​ ពេញដោយ​ស្នាម​ញញឹម ​ដែលបញ្ចាក់បានថានាងពិតជាមានសុភមង្គលយ៉ាង​ខ្លាំងក្នុងនាមជាកូនប្រសាស្រីរបស់សេដ្ឋីស្រុកថៃ។

ក្នុង​រូបភាពប៉ុន្មានសន្លឹកដែលបង្ហោះក្នុងស្ទូរី អ្នកគាំទ្រ​បានសម្រុកបញ្ចេញមតិ​សរសើរដល់ Patricia ​ទោះបីជា​នាង​មាន​ផ្ទៃពោះ​ក៏​ពិតមែន។ ប៉ុន្តែ​នៅតែ​មិន​ភ្លេច​ថែរក្សា​សុខភាព​ខ្លួនឯង​ឲ្យ​មាន​សុខភាព​ល្អ និង​ត្រៀមខ្លួន​ស្វាគមន៍​កូន​តូច​ ចេញមកមើលពិភពលោកក្នុងពេលខាងមុខនេះ។

សូមជម្រាបដែរថាគូស្នេហ៍ពាន់លាន Patricia-Note បានរៀបអាពាហ៍ពិពាហ៍កាលពីថ្ងៃទី២០ ខែធ្នូ ឆ្នាំ២០២២ ហើយពួកគេក៏បានប្រកាសពីដំណឹងល្អនៅថ្ងៃទី ១៥ កុម្ភៈ Patricia​ ពីការមានផ្ទៃពោះលើកដំបូង រហូតធ្វើឲ្យទស្សនិកជនជាច្រើនសម្ដែងការអបអរសាទរយ៉ាងច្រើនផងដែរ៕

ប្រែសម្រួល៖ សាង ស្រីល័ក្ខ

ចុចអាន៖បង្ហាញមុខតារាថៃ ៤ ដួង ជាប់ចំណាត់ថ្នាក់ជាបុគ្គលល្បីបំផុតនៅ ហ្វីលីពីន

ចុចអាន៖Mew ឆ្លើយច្បាស់ៗថា មិនមានបញ្ហានឹងនរណាម្នាក់ រហូតមិនអាចរួមការងារជាមួយគ្នាទេ