ជីវិតកម្សាន្ដ

តារាហុងកុង Michael Wong ខឹងសម្បារ ក្រោយកូនស្រីបង្ហោះរូបអាក្រាតកាយផ្អើលបណ្ដាញសង្គម

បានផុស

១២ ខែ មុន

នៅ

ថ្ងៃសៅរ៍ ១ មេសា ២០២៣

ដោយ

Irisa Wong កូនស្រីពៅរបស់តារាហុងកុងវ័យ ៥៧ ឆ្នាំ Michael Wong បានចែករំលែករូបថតខ្លួនឯងនៅលើបណ្តាញសង្គមរបស់នាង រួមទាំងរូបថតស្រើបស្រាលមួយចំនួន ធ្វើឲ្យឪពុកមានការខឹងសម្បារយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីពេលថ្មីៗនេះ Michael បានបង្ហាញខ្លួនក្នុងកម្មវិធីជជែកពិភាក្សារបស់ TVB My United Lover ជាមួយនឹងកូនស្រីច្បង ហើយលោកបានចែករំលែកគំនិតរបស់លោកលើរូបភាពរបស់កូនស្រីពៅ ដោយសារភាពថា គាត់ជាមនុស្សអភិរក្សនិយម ហើយមិនចូលចិត្តនៅពេលដែល Irisa បង្ហោះរូបថតបែបនេះនៅលើអ៊ីនធឺណិត ជាពិសេសរូបថតដែលបង្ហាញនាងអាក្រាតទាំងស្រុង ដោយឃើញខ្នងពេលនាងងូតទឹកផ្កាឈូក។

លោក Michael យល់ថា ពិភពប្រព័ន្ធផ្សព្វផ្សាយសង្គមមានការប្រកួតប្រជែងខ្លាំង ហើយចាំបាច់ត្រូវបង្ហោះរូបភាពដែលទាក់ទាញភ្នែកដើម្បីឲ្យលេចធ្លោនោះ រូបថតមួយចំនួនរបស់ Irisa គឺមានភាពស៊ិចស៊ីពេក ហើយបុរសៗគិតខុសគ្នាពីស្រីៗ ហើយគាត់ដឹងពីអ្វីដែលនៅក្នុងគំនិតរបស់ប្រុសៗដែលមើលរូបភាពរបស់កូនស្រីតូចរបស់គាត់។

តារាហុងកុងរូបនេះបានបន្តទៀតថា “មានរឿងខ្លះដែលមានតែបុរសទេដែលយល់។ បុរសដឹងពីអ្វីដែលបុរសផ្សេងទៀតកំពុងសម្លឹងមើល។ ហើយនៅពេលដែលវាជាកូនស្រីរបស់អ្នក អ្នកមានអារម្មណ៍មិនល្អទេ។ នេះជាករណីសម្រាប់ឪពុក គ្រប់គ្នា”៕