Taeyeon មេក្រុម SNSD នឹងធ្វើជាពិធីការនីសម្រាប់កម្មវិធី “Queendom Puzzle”

Taeyeon មេកក្រុមចម្រៀង Girls’ Generation បានប្រកាសពីការត្រលប់មកវិញរបស់នាងក្នុងនាម ជាពិធីករសម្រាប់កម្មវិធី “Queendom Puzzle” របស់ប៉ុស្តិ៍ទូរទស្សន៍ Mnet នឹងត្រៀមចាក់ផ្សាយលើក ដំបូងនៅក្នុងខែមិថុនាឆ្នាំនេះ ។

Taeyeon សមាជិកក្រុម Girls’ Generation បានបញ្ជាក់ពីការបង្ហាញខ្លួនរបស់នាងជាពិធីការនីសម្រាប់ ‘Queen dom Puzzle’ ដោយនិយាយថា “វាជាកិត្តិយសណាស់ដែលបាននៅជាមួយ ‘Queendom Puzzle’ បន្ទាប់ពី ‘Queendom 2′ ។ Taeyeon គឺជាសមាជិកក្រុម Girls’ Generation ទូទាំងពិភពលោក និងជា ‘vocal Queen’ ដែលបានរក្សាជំហររបស់នាងយ៉ាងរឹងមាំក្នុងនាមជាតារាចម្រៀងទោល K-pop កំពូលម្នាក់។

កាលពីឆ្នាំមុន នាងបានបង្ហាញខ្លួនជា MC និង ‘Grand Master’ នៅក្នុង ‘Queendom 2’ របស់ប៉ុស្តិ៍ ទូរទស្សន៍ Mnet នៅពេលនោះ Taeyeon បានទាក់ទាញការចាប់អារម្មណ៍យ៉ាងខ្លាំងចំពោះផ្នែក ជំនាញវិជ្ជាជីវៈរបស់នាង ដូចជាការចែករំលែកបទពិសោធន៍ជាមួយសិល្បករវ័យក្មេងនិងការផ្តល់ ដំបូន្មានរបស់នាង។

យ៉ាងណាមិញ កម្មវិធីកម្សាន្ត “Queendom Puzzle” នឹងចាក់បញ្ចាំងនៅខែមិថុនា ហើយរង់ចាំចំពោះព័ត៌មានថ្មីៗបន្ថែមទៀតតាមរយៈឈុតខ្លីៗដែលចេញផ្សព្វផ្សាយសម្រាប់កម្មវិធីនៅទីនេះ ៕

ប្រែសម្រួល៖នាងតូច

ចុចអាន៖ទិនហ្វីទម្លាយអារម្មណ៍ពិតថា លោកចូលចិត្ត Lisa ខ្លាំងបំផុត