ជីវិតកម្សាន្ដ
Ed Sheeran និយាយថា ការសន្ទនាជាមួយ Taylor Swift អាចជួយព្យាបាលផ្លូវចិត្ត
តារាចម្រៀងច្រៀងបទ Shape of you លោក Ed Sheeran ជាមិត្តភ័ក្ដិនឹងតារាចម្រៀងប៉ុប Taylor Swift ច្រើនឆ្នាំមកហើយ ពួកគេឧស្សាហ៍ពិភាក្សាគ្នាណាស់ដើម្បីជួយផ្ដល់មតិយោបល់ទៅវិញទៅមក ។
មួយរយៈក្រោយនេះ Ed បានជួបបញ្ហាធំៗក្នុងជីវិតដល់ទៅបីគឺ បញ្ហាតន្ត្រីរក្សាសិទ្ធិ ភរិយាមានជំងឺមហារីក និងការស្លាប់របស់មិត្តសម្លាញ់ម្នាក់ទៀត ទើបលោកបានទៅរក Taylor ដើម្បីពិភាក្សាដូចរាល់ដង ។
កាលពីល្ងាចថ្ងៃព្រហស្បតិ៍ ទី០៤ ខែឧសភា លោក Ed ប្រាប់ឌីជេ Zane Lowe ក្នុងបទសម្ភាសន៍សម្រាប់ Apple Music 1 ថា “ខ្ញុំបាននិយាយជាមួយ Taylor ឡើងយូរពីនេះពីនោះព្រោះខ្ញុំមានអារម្មណ៍ថានាងគឺជាមនុស្សតែម្នាក់គត់ដែលយល់ពីខ្ញុំ” ។ លោកបញ្ជាក់ថា “ម្សិលមិញ ខ្ញុំបាននិយាយជាមួយនាងអស់រយៈពេល ១ ម៉ោង ២០ នាទី ហើយពួកយើងចេះតែនិយាយអ្វីដែលមានក្នុងចិត្តទាំងអស់ទៅ”។
“ខ្ញុំមានន័យថាវាដូចជាការព្យាបាលផ្លូវចិត្តដែរ ព្រោះបាននិយាយជាមួយមនុស្សដែលយល់ពិតប្រាកដ” Ed បន្ត ។
គួរបន្ថែមដែរថាលោក Ed Sheeran ទើបតែបញ្ចប់ក្ដីតន្ត្រីរក្សាសិទ្ធិតម្លៃ ១៣២ លានដុល្លារ នៅថ្ងៃទី០៥ ខែឧសភា នេះទេ មិនតែប៉ុណ្ណោះគាត់បានបាត់បង់មិត្តសម្លាញ់លោក Jamal Edwards កាលពីខែកុម្ភៈទៀត ដោយសារគាំងបេះដូងដែលបណ្ដាលមកពីគ្រឿងស្រវឹងនិងកូកាអ៊ីន ។
ចំណែកអ្នកស្រី Cherry ជាភរិយាវិញក៏បានឆ្លងកាត់ជំងឺមហារីកទាំងកំពុងពពោះកូនទីពីរឈ្មោះ Jupiter ដែលបច្ចុប្បន្នមានអាយុ ១ ខួប ហើយពួកគេសង្ឃឹមថាឆ្នាំក្រោយសុខភាពរបស់នាងនឹងប្រសើរជាងនេះមួយកម្រិតទៀត ៕
ប្រែសម្រួល ៖ វារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ