ធ្លាយរូបភាព Son Ye Jin នៅពីក្រោយឆាក ខណៈ មហាជនភ្ញាក់ផ្អើលសម្រស់សឹងមិនជឿថាជានាង

ក្រោយសម្រាលកូនបានប្រមាណ៥ខែ Son Ye Jin បានត្រលប់ចូលធ្វើការវិញជា​ផ្លូវការ​ ដោយបច្ចុប្បន្នតារាស្រីរូបនេះនៅតែចង់លះបង់ពេលវេលាសម្រាប់កូនប្រុសរបស់ខ្លួន ដូច្នេះហើយទើបនាងទទួលយកការងារដែលមិន​ទាមទារ​ពេល​វេលាច្រើនពេក ដូចជាកា​រថតរូបជាដើម និងការ​ថតពាណិជ្ជកម្ម។

យោងតាមរបាយការណ៍របស់ប្រព័ន្ធផ្សព្វផ្សាយ គម្រោងភាពយន្តជាច្រើន​បានទាក់ទង Son Ye Jin ។ ប៉ុន្តែមានសារៈសំខាន់បំផុត ដោយនាងត្រូវចំណាយ​ពេលជា​មួយកូនប្រុសរបស់នាង​ជាចាំបាច់។

ដោយឡែក កាលពីពេលថ្មីៗនេះ រូបថតក្រោយឆាក​មិនទាន់បានកែសម្រួលរបស់ Son Ye Jin ពីការថតស្ពត​ពាណិជ្ជកម្ម ត្រូវបានអ្នកដឹកនាំរឿងចែករំលែក និងទាក់ទាញការចាប់អារម្មណ៍​ពីមហាជន​យ៉ាងច្រើន ជាពិសេស​ពី​សំណាក់​អ្នកលេង​អ៊ីនធឺណិត។ នៅក្នុងរូបថត​នៅពីក្រោយឆាក​នៃស៊េរីនេះ Son Ye Jin បានធ្វើឲ្យ​មនុស្សជាច្រើន​ភ្ញាក់ផ្អើល​ ជាមួយនឹងរូបរាងស្លីមរបស់នាង ទោះបីជា​ទើបតែបាន ៥ ខែបន្ទាប់ពី​ការ​សម្រាល​ក៏​ដោយ។

ជាមួយគ្នានេះដែរ តួឯកស្រីក្នុងរឿងភាគកូរ៉េ “crash landing on you” ក៏​ត្រូវ​បាន​គេ​ដឹងថា នាង​មានសុខភាពល្អសម្រាប់ការចិញ្ចឹមកូន​ ហើយមិន​បាន​ស្រក​ទម្ងន់​ខ្លាំង​ពេក​ទេ។ ប៉ុន្តែនាងប្រកាន់ខ្ជាប់នូវរបបអាហារបែបវិទ្យាសាស្ត្រ និង​របបហាត់ប្រាណ។ លើសពីនេះ Son Ye Jin មិនឡើង​ទម្ងន់​ច្រើនទេ សូម្បីតែអំឡុងពេល​មានផ្ទៃពោះក៏ដោយ៕

ប្រែសម្រួល៖ សាង ស្រីល័ក្ខ

ចុចអាន៖កាបូបពណ៌ខ្មៅដែលភរិយារបស់ប្រធានាធិបតីកូរ៉េខាងត្បូង កាន់អមស្វាមី ទៅ អាមេរិក ត្រូវគេទិញអស់គ្មានសល់