Liu Yifei ធ្លាប់ជាជនរងគ្រោះនៃអំពើហិង្សាក្នុងសាលារៀន

កាលពីព្រឹកថ្ងៃទី ០៧ ខែឧសភា អ្នកសរសេរប្លុកដែលមានអ្នកតាមដានជាង ៦ លាននាក់ស្រាប់​តែបង្ហោះថា Liu Yifei ធ្លាប់់​ត្រូវ​​គេ​សម្លុត​កាលពី​អតីតកាល ខណៈអ្នកនិយមលេងអ៊ីនធឺណិតម្នាក់​បានសារភាពថា គាត់ក៏បាន​វាយ “មហាសេដ្ឋីពាន់លាន” កាល​ពីគាត់​នៅ​ក្មេងដែរ។

ជាក់ស្ដែង ក្រោមការបង្ហោះនេះផងដែរ អ្នកនិយមលេង​អ៊ីនធឺណិត​បាន​បង្ហើបថា “កាលខ្ញុំនៅ​ក្មេង ខ្ញុំធ្លាប់វាយ Liu Yifei ពីរបីដង ប៉ុន្តែពេលនេះខ្ញុំចង់ឃើញនាងម្តងទៀត”។ ក្នុង​នោះ​ក៏​មាន​សាធារណជន​បាន​ចោទ​សួរ​ពី​រាជិនី​សម្រស់​​កើត​ក្នុងឆ្នាំ ១៩៨៧ ជាជន​រងគ្រោះ​នៃ​អំពើ​ហិង្សា​ក្នុង​សាលាពិតមែនឬគ្រាន់តែជាចចាមអារ៉ាម។

ទោះយ៉ាងណាក៏ដោយ ទស្សនិកជន​ជាច្រើន​បាន​បញ្ចេញ​មតិ​រិះគន់​អាកប្បកិរិយា​របស់មិត្តម្នាក់នោះដែលនិយាយអំពីការវាយដំអ្នកដ៏ទៃ។ ដូច្នោះ បើ​ហេតុការណ៍​ពិតជា​កើត​ឡើង​មែន អ្នក​ទាំង​ពីរ​រៀន​ត្រឹម​ថ្នាក់​បឋម​សិក្សា​ប៉ុណ្ណោះ ប៉ុន្តែ​មិត្ត​ភក្តិ​នេះ​បាន​បង្កើត​រឿង​គំនុំ និង​ជេរ​ប្រមាថ​អ្នក​ដទៃ។

បន្ទាប់ពីព័ត៌មានខាងលើត្រូវបានបង្ហោះ ពាក្យគន្លឹះ “Liu Yifei ទទួលរងពីអំពើ​ហិង្សា​ក្នុងសាលា” ភ្លាមៗ​បានក្លាយ​ជាប្រធានបទក្តៅបំផុតនៅលើ Weibo ។ មកទល់នឹងពេលនេះ ភាគីរបស់ Liu Yifei មិនទាន់​បានធ្វើការអត្ថាធិប្បាយជាផ្លូវការលើការសង្ស័យថា​នាងទទួលរងអំពើ​ហិង្សាក្នុង​សាលានោះទេ៕

ប្រែសម្រួល៖ សាង ស្រីល័ក្ខ

ចុចអាន៖មនុស្សតិចណាស់ដឹងថា Liu Yifei មានប្រវត្តិគ្រួសារលេចធ្លោខ្លាំងក្នុងសង្គមចិន

ចុចអាន៖ហ្វាន ពីងពីង ធ្លាប់ពញ្ញាក់លោកខាងលិចតាមរយៈសំលៀកបំពាក់ថា ស្ត្រីអាស៊ីមានភាពរឹងមាំនិងទំនុកចិត្តដូចអឺរ៉ុប