ជីវិតកម្សាន្ដ
ឱក សុគន្ធកញ្ញា បញ្ចេញសារដ៏មានអត្ថន័យត្រៀមអបអរពិធីបិទស៊ីហ្គេម
ព្រឹត្តិការណ៍ប្រកួតកីឡាអាស៊ីអាគ្នេយ៍លើកទី ៣២ ឆ្នាំ ២០២៣ ដែល កម្ពុជា ទទួលធ្វើជាម្ចាស់ផ្ទះ បានប្រារព្ធពិធីបើកជាផ្លូវការ កាលពីថ្ងៃទី ០៥ ខែឧសភា ក្នុងពហុកីឡដ្ឋានជាតិមរតកតេជោ។ ចំពោះពិធីបិទព្រឹត្តិការណ៍ប្រកួតកីឡាអាស៊ីអាគ្នេយ៍លើកទី ៣២ នេះ នឹងត្រូវរៀបចំកម្មវិធី នាល្ងាចថ្ងៃទី ១៧ ខែឧសភា ឆ្នាំ ២០ ២៣ នេះ។

ជាការពិតណាស់ព្រឹត្តិការណ៍ស៊ីហ្គេមនាពេលនេះគឺជាព្រឹត្តិការណ៍ប្រវត្តិសាស្ត្ររបស់កម្ពុជាដែលពលរដ្ឋកម្ពុជា បានរង់ចាំអស់រយៈពេល ៦៤ ឆ្នាំមក។ ប្រជាពលរដ្ឋកម្ពុជាគ្រប់រូប ពិតជាមានមោទនភាព និងក្ដីរំភើបបំផុតនៅពេលឃើញទិដ្ឋភាពដ៏អស្ចារ្យជាប្រវត្តិសាស្ត្រមិនដែលមានពីមុនមកនេះ។

ដោយឡែកក្រឡេកមកមើលកំពូលតារាចម្រៀង ឱក សុគន្ធកញ្ញា ឈានដល់ថ្ងៃ នៃការបិទកីឡាស៊ីហ្គេមនៅល្ងាចថ្ងៃទី ១៧ ខែឧសភា ឆ្នាំ ២០២៣ នេះ នាងក៏បានបញ្ចេញសារដ៏មានអត្ថន័យ ដើម្បីចូលរួមអបអរពិធីបិទស៊ីហ្គេមផងដែរ។ ខ្លឹមសាររបស់តារាចម្រៀង ឱក សុគន្ធកញ្ញា បានលើកឡើងថា «ថ្ងៃនេះជាថ្ងៃប្រារព្ធពិធីបិទការប្រកួត SEA GAMES លើកទី ៣២ ឆ្នាំ ២០២៣។ WE DID IT យើងធ្វើបាន យុវជនយើងអាចធ្វើបាន»។

តារាចម្រៀងស្រីរូបនេះបានបញ្ជាក់បន្ថែមថា «អរគុណរាល់ការលះបង់ការតស៊ូខំប្រឹងរបស់អ្នកគ្រប់ៗគ្នា ហើយក៏អរគុណដល់ប្រទេសអាស៊ានទាំងអស់ដែលបានចូលរួមជួបគ្នានៅថ្ងៃនេះទាំងអស់គ្នា»។

សូមបញ្ជាក់ថា ព្រឹត្តិការណ៍កីឡាស៊ីហ្គេមលើកទី ៣២ ឆ្នាំ ២០២៣ ដែលកម្ពុជាធ្វើជាម្ចាស់ផ្ទះ នឹងត្រូវបិទបញ្ចប់នាល្ងាចថ្ងៃទី ១៧ ខែឧសភា ឆ្នាំ ២០២៣ នេះ។ យ៉ាងណាមិញសម្រាប់កម្មវិធីបិទព្រឹត្តិការណ៍កីឡាស៊ីហ្គេមលើកទី ៣២ នឹងអស្ចារ្យមិនចាញ់កម្មវិធីបើកផ្លូវការទេ ដោយមានការសម្តែងនូវទស្សនីយភាពប្លែកៗ និងសំខាន់ៗ រួមមានទាំងសិល្បករ សិល្បការិនី កងទ័ព ជិត ២០០០ នាក់ផងដែរ៕
អត្ថបទ ៖ ចាន់រ៉ា


-
ព័ត៌មានអន្ដរជាតិ៦ ថ្ងៃ មុន
សារព័ត៌មានវៀតណាម ៖ រាជបុត្រ Mateen នឹងព្រះរាជទានស្បែកជើងតម្លៃ ១៧ លានដុល្លារ ដល់អ្នកអភិសេកជាមួយទ្រង់
-
កីឡា៥ ថ្ងៃ មុន
បួខាវ និងក្រុមកីឡាឃីកបុកស៊ីងរបស់ខ្លួន នឹងមកដល់កម្ពុជានៅថ្ងៃនេះ
-
ជីវិតកម្សាន្ដ៦ ថ្ងៃ មុន
ទម្លាយមូលហេតុមិត្តភាពរវាង Selena Gomez និងមិត្តបរិច្ចាគក្រលៀន ឈានដល់ការខឹងសម្បារគ្នា
-
ជីវិតកម្សាន្ដ៥ ថ្ងៃ មុន
ព្រឹត្តិការណ៍ “Jennie for Calvin Klein” រងពាក្យរិះគន់ចាស់ដៃពីអ្នកកាសែត
-
កីឡា១ សប្តាហ៍ មុន
សមាសភាពអ្នកលេងគុនខ្មែរ៦រូបប្រកួតដណ្តើមមេដាយមាសស៊ីហ្គេមថ្ងៃនេះ
-
វប្បធម៌ ជំនឿ១ ថ្ងៃ មុន
ប្រវត្តិជីវិតពិត៖ តួអង្គនាងនាគ ក្នុងព្រឹត្តិការណ៍ស៊ីហ្គេមកម្ពុជា លើកទី១
-
ព័ត៌មានជាតិ១ សប្តាហ៍ មុន
សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ឧបត្ថម្ភថវិកា ១ម៉ឺនដុល្លារដល់កីឡាការិនី ប៊ូ សំណាង
-
វប្បធម៌ ជំនឿ១ សប្តាហ៍ មុន
មកដឹងអារម្មណ៍ពិតរបស់ តួនាងនាគ ពេលយោងឡើងខ្ពស់ ក្នុងព្រឹត្តិការណ៍បើកស៊ីហ្គេម