ម្ចាស់មេដាយមាស​ស៊ីហ្គេម ​កូនកាត់ខ្មែរអាមេរិក លេចមុខថតសំអាងការ

កញ្ញា ថិប កាសាន់ទ្រនីកូល (Cassandre Tubbs) ដែលមានឈ្មោះក្រៅ C assie អាយុ ២៤ ឆ្នាំជាម្ចាស់មេដាយមាស​​តេក្វាន់ដូក្នុងព្រឹត្តិការណ៍កីឡាអាស៊ីអាគ្នេហ៍ (Sea Games 2023) ដែលកម្ពុជាធ្វើជាម្ចាស់ផ្ទះនោះ បានលេចមុខក្នុងឈុតសម្លៀកបំពាក់ប្រពៃណីខ្មែរ។

បើតាមការឲ្យដឹងលោក ស៊ីន ឌី និយាយថា កញ្ញា Cassie ស្រលាញ់ឈុតប្រពៃណីជាតិរបស់ខ្មែរហើយហាងរបស់លោកបានរៀបចំសម្លៀកបំពាក់ជូនគាត់ថត រួមទាំងការធ្វើសក់ ផាត់មុខផងដែរ។

លោកស៊ីនឌី បានឲ្យដឹងថា លោកសប្បាយចិត្ត ដែលម្ចាស់មេដាយមាសតេក្វាន់ដូខាងលើជ្រើសរើសយកសម្អាងការរបស់លោកថត មុនពេលគាត់ចេញទៅអាមេរិកវិញ។ ក្រៅពីឈុតកូនក្រមុំដ៍ស្រស់ស្អាតរៀបចំជាពិសេសឲ្យ C assie នោះ កីឡាការិនីកូនកាត់អាមេរិកនេះ​ស្រលាញ់ហូលផាមួងរបស់ខ្មែរផងដែរ ទោះជាគាត់ទៅរស់នៅស្រុកគេជាច្រើនឆ្នាំក្ដី។

គូរបញ្ជាក់ថា កីឡាការិនីតេក្វាន់ដូកម្ពុជា ថិប កាសាន់ទ្រេនីកូលឈ្នះកីឡាការិនីវៀតណាម KhiemB ac Thi ដណ្ដើម​មេដាយមាស នៅវគ្គផ្ដាច់ព្រ័ត្រក្នុងព្រឹត្តការណ៍កីឡាអាស៊ីអាគ្នេហ៍(Sea Games 2023 ) លើកទី៣២ ឆ្នាំ ២០២៣។

Cassie មិនត្រឹមតែជាកីឡាការិនីដ៍ច្នើមនាំមេដាយមាសជូនជាតិនោះទេ ប៉ុន្ដែរូបសម្រស់នាងក៏ទាក់ទាញខ្លាំងដែរ។ពិសេស​ពេលគ្រងឈុតឈុតប្រពៃណី ធ្វើឲ្យអ្នកគាំទ្រនាងសរសើរថាកូនខ្មែរដែលកំពុងរស់នៅអាមេរិករូបនេះពិតជាបានទាំង​ព្រមតែម្ដងទាំងសម្រស់,ភាពឆ្លាតវៃ និងក្បាច់តេក្វាន់ដូក៏ពូកែ ដែលធ្វើឲ្យអន្ដរជាតិចាប់អារម្មណ៍ខ្លាំង៕

អត្ថបទ៖ ចាន់រ៉ា