ជីវិតកម្សាន្ដ

តារាស្រី K-POP ៦ រូប មានសម្រស់ស្អាតខ្លាំង រហូតនារីៗចង់បានទម្រង់មុខដូច

បានផុស

៣ years មុន

នៅ

ថ្ងៃព្រហស្បតិ៍ ៨ មិថុនា ២០២៣

ដោយ

គេហទំព័រ Danmee បានចេញផ្សាយលទ្ធផលនៃការស្ទង់មតិតារាស្រី K-POP លើប្រធានបទ “មុខដែលអ្នកចង់មាន” ។ ក្នុងចំណោមក្រុមគំរូទាំងអស់សរុបជាង ៥,៦៦០ ខណៈលទ្ធផលស្ទង់មតិមានតារាស្រី៦ដួង មានមុខស្អាតខ្លាំងដល់ថ្នាក់នារីៗជាច្រើនប្រាថ្នាចង់បានទម្រង់មុខបែបនេះផងដែរ។

ខាងក្រោមនេះ គឺជាតារាស្រីកូរ៉េខាងត្បូង៦រូប ដែលមានទម្រង់មុខស្អាត រហូតមានមនុស្សជាច្រើនចង់វះកាត់មុខឲ្យដូចពួកនាង។

១ Irene សមាជិកក្រុម Red Velvet

Bae Joo-hyun ដែលត្រូវបានគេស្គាល់ថាជា Irene គឺជាតារាចម្រៀង ពិធីករទូរទស្សន៍ និងជាតារាសម្តែងរបស់កូរ៉េខាងត្បូង។ មេដឹកនាំក្រុមចម្រៀងនារី Red Velvet រូបនេះ ត្បិតថាកម្ពស់មិនសូវជាខ្ពស់ជាងគេក្នុងក្រុមក្ដី ប៉ុន្តែបើនិយាយពីសម្រស់នា ងគឺស្អាតខ្លាំងរហូតមានគេប្រៀបនាងដូចជាព្រះនាងថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ Tzuyu សមាជិកក្រុម TWICE

Chou Tzuyu គឺជាតារាចម្រៀងតៃវ៉ាន់ដែលមានមូលដ្ឋាននៅប្រទេសកូរ៉េខាងត្បូង។ នាងគឺជាសមាជិកតៃវ៉ាន់តែម្នាក់គត់នៃក្រុមចម្រៀងស្រី Twice ដែលបង្កើតឡើងដោយ JYP Entertainment ក្នុងឆ្នាំ២០១៥។ សម្រស់របស់នាងត្រូវគេប្រដូចនឹងរាជិនីផ្កាចិន ដោយសារតែនាងមានមុខពីធម្មជាតិសុទ្ធសាធ។

៣ Jisoo សមាជិកក្រុម BLACKPINK

Kim Jisoo គឺជាតារាចម្រៀង និងជាតារាសម្តែងរបស់កូរ៉េខាងត្បូង។ នាងគឺជាសមាជិកក្រុមចម្រៀងស្រីកូរ៉េខាងត្បូង Blackpink ដែលបង្កើតឡើងដោយ YG Entertainment ក្នុងខែសីហា ឆ្នាំ ២០១៦។ ត្បិតថាមិនសូវលេចធ្លោខ្លាំងក្នុងក្រុមតែបើនិយាយពីសម្រស់ Jisoo នាងតែងតែលើសគេ រហូតដល់ថ្នាក់ក្លាយជាតួឯកស្រីក្នុងរឿងភាគកូរ៉េថែមទៀត។

៤ karina សមាជិកក្រុម aespa

karina មានអាយុត្រឹម២៣ឆ្នាំប៉ុណ្ណោះ! ប៉ុន្តែសម្រស់នាងតែងតែលេចធ្លោលើឆាកតន្រ្តី ដែលនារីៗជាច្រើនប្រថ្នាចង់បានសម្រស់របស់នាងមកជារបស់ផ្ទាល់ខ្លួន។

៥ Jang Won Young សមាជិកក្រុម IVE

Jang Wonyoung គឺជាតារាចម្រៀងកូរ៉េខាងត្បូង។ នាងជាសមាជិករបស់ Ive ក្រោមផលិតកម្ម Starship Entertainment និងជាអតីតសមាជិកនៃក្រុមនារីគម្រោង Iz*One។ ទោះយ៉ាងណាក៏ដោយ សម្រស់របស់នាងតែងទេត្រូវបានគេលើកមកនិយាយ ពីភាពស្រគត់ស្រគំនិងភាពទន់ភ្លន់របស់នាង។

៦ Seol Yoon សមាជិកក្រុម NMIXX

Seol Yoon A និងមានឈ្មោះលើឆាក Sullyoon គឺជាតារាចម្រៀងនៅក្រោមផលិតកម្ម JYP Entertainment ។ នាងគឺជាសមាជិកក្រុមចម្រៀងស្រី NMIXX ដែលមានវ័យក្មេងខ្លាំង។ ដូច្នេះសម្រស់នាងលេចធ្លោ មិនមែនជារឿងចម្លែកនោះទេ។ ជាពិសេសស្រីៗជាច្រើននៅប្រទេសកូរ៉េ ប្រាថ្នាចង់បានមុខដូចនាងដែរ៕