ជីវិតកម្សាន្ដ

សម្ដែងភាពយន្តរោលរាលដូចគ្នា Jennie រងការរិះគន់ ខណៈ Song Hye Kyo ត្រូវគេសរសើរសមត្ថភាព

បានផុស

៣ ខែ មុន

នៅ

ថ្ងៃព្រហស្បតិ៍ ៨ មិថុនា ២០២៣

ដោយ

បន្ទាប់រឿង “The Idol” ដែលមានការចូលរួមពី Jennie សមាជិកក្រុម BLACKPINK បានចាក់ផ្សាយជាផ្លូវការវគ្គដំបូងរបស់ខ្លួន។ ផ្ទុយពីការរំពឹងទុកមុន ទស្សនិកជនបានរិះគន់ថាជាសំរាមនិងអាសអាភាសបំផុត។ ជាពិសេសរូបភាពរបស់នាងនៅក្នុងខ្សែភាពយន្តនេះវាបំផ្លាញភាពស្រស់ស្អាតដែលខំសាងកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្លាមៗបន្ទាប់ពីកម្មវិធី “The Idol” ចាក់ផ្សាយវគ្គទី១ រូបភាពនិងវីដេអូរាំបែបអាសអាភាសរបស់ Jennie ត្រូវបានផ្សព្វផ្សាយពេញបណ្តាញសង្គម។ អ្នកគាំទ្រសមាជិកក្រុម BLACKPINK មិនអាចជួយអ្វីបានឡើយ ប៉ុន្តែមានអារម្មណ៍ខកចិត្តនៅពេលដែលអាយដលពួកគេទទួលយកការសម្ដែងឈុតក្ដៅសាច់ក្នុងរឿងដំបូងរបស់នាង។ ភាគច្រើនបំផុត “The Idol” ក៏ត្រូវបានចាត់ទុកថាជាខ្សែភាពយន្តដែលប្រមាថមើលងាយ និងគួរឲ្យអស់សំណើចផងដែរ។

ទន្ទឹមនឹងឈុតឆាកក្តៅគគុកនេះដែរ តារាសម្ដែងស្រី Song Hye Kyo ត្រូវបានទស្សនិកជនសរសើរមិនដាច់ពីមាត់ចំពោះអាជីព ការលះបង់ និងឆន្ទៈក្នុងការប្រថុយប្រថាន ដើម្បីបង្កើតភាពពិតប្រាកដសម្រាប់ការងារ។ ថ្វីត្បិតតែល្បីល្បាញដោយសារស្នាដៃជាច្រើនដូចជា “Autumn’s Heart”, “Happy House” និង “Descendants of the Sun” ក៏ដោយ ក៏មានមនុស្សតិចណាស់ដែលដឹងថាតារាស្រីរូបនេះ ក្លាហានយល់ព្រមលេងឈុតក្តៅសាច់ ដើម្បីឈានទៅរកភាពជោគជ័យក្នុងអាជីពសម្ដែងរបស់នាង។

**ឈុតមួយក្នុងភាពយន្តដែល Song Hye Kyo ធ្លាប់សម្ដែង**

ជាមួយគ្នានេះដែរ មានការការពន្យល់ពីស្តង់ដារ ស្របពេលដែលមនុស្សជាច្រើនមានទស្សនៈថា ក្នុងនាមជាតារាសម្ដែង Song Hye Kyo អាចធ្វើអ្វីក៏បានក្នុងក្របខណ្ឌសីលធម៌ ដើម្បីនាំមកនូវការថតរឿងពិត និងគុណភាពល្អបំផុត។ ទន្ទឹមនឹងនេះ Jennie ជាតារាស្រីដែលបានសាងរូបភាពល្អតាំងពីបង្ហាញខ្លួនដំបូង។ ដូច្នេះហើយ ការលះបង់ដើម្បីបង្អួតរូបរាងកាយរបស់សមាជិកក្រុម BLACKPINK ទំនងជាហានិភ័យដែលមិនអាចទាយទុកជាមុនបាន សូម្បីតែបង្កផលប៉ះពាល់អវិជ្ជមានដល់មុខមាត់របស់នាងអស់មួយជីវិត៕