ជីវិតកម្សាន្ដ

Ahn Bo Hyun ធ្លាប់ផ្ដល់បទសម្ភាសន៍ទាក់ទងនឹងស្នេហាដ៏កក់ក្ដៅ មុនពេលណាត់ជួប Jisoo

បានផុស

៣ years មុន

នៅ

ថ្ងៃសុក្រ ៤ សីហា ២០២៣

ដោយ

ឧស្សាហកម្មកម្សាន្តរបស់កូរ៉េខាងត្បូងមានការភ្ញាក់ផ្អើលយ៉ាងខ្លាំង ចំពោះការចាប់ផ្ដើមទំនាក់ទំនងរវាង Jisoo សមាជិកក្រុម BLACKPINK និង Ahn Bo Hyun ខណៈខាងផលិតកម្ម YG Entertainment បានបញ្ជាក់ថា ពួកគេស្គាល់គ្នាបន្តិចម្តងៗ និងមានអារម្មណ៍ល្អចំពោះគ្នាទៅវិញទៅមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញកាលពីពេលថ្មីៗ ប្រព័ន្ធផ្សព្វផ្សាយបានចេញផ្សាយបទសម្ភាសន៍មួយអំពីទស្សនៈរបស់ Ahn Bo Hyun ទាក់ទងនឹងស្នេហាដែលលោកធ្លាប់បាននិយាយកាលពីឆ្នាំ២០២១ តាមរយៈទស្សនាវដ្តីម៉ូដ ELLE Korea ។

ក្នុងវីដេអូ គាត់ត្រូវបានគេសួរពីទំនាក់ទំនងផ្លូវឆ្ងាយរវាងកូរ៉េ និងក្រៅប្រទេស Ahn Bo Hyun បានឆ្លើយថា វាមិនច្បាស់ទេ។ ប៉ុន្តែបន្ទាប់ពីគិតមួយសន្ទុះលោកបាននិយាយថា “ប៉ុន្តែប្រសិនបើមានស្នេហា។ ខ្ញុំគិតថាអាចយកឈ្នះរយៈ ចម្ងាយបាន។ ដូច្នេះខ្ញុំជឿថាទំនាក់ទំនងផ្លូវឆ្ងាយរវាងកូរ៉េ និងបរទេសពិតជាអាចទៅរួច។ គ្មានផ្លូវឈ្នះក្ដីស្នេហាឡើយ”។

ទន្ទឹមគ្នានោះទៀត នៅពេលសួរអំពីតុល្យភាពរវាងការងារ និងស្នេហា តារាប្រុសរូបនេះបានគ្រវីក្បាលហើយនិយាយថា “ទោះបីជាអ្នករវល់ជាមួយការងារក៏ដោយ។ អ្នកនៅតែអាចស្រលាញ់បាន។ សូម្បីតែទាហានក៏រកពេលណាត់ជួបពេលសម្រាកដែរ។ លោកបានបន្តថា៖ «ផ្ទាល់ខ្លួន ឥឡូវនេះខ្ញុំស្រឡាញ់ការងាររបស់ខ្ញុំ។ ប៉ុន្តែថ្ងៃមួយ ខណៈពេលដែលធ្វើការយ៉ាងលំបាក ខ្ញុំគិតថាខ្ញុំនឹងជួបមនុស្សអស្ចារ្យមួយចំនួន។ ខ្ញុំបន្តទំនាក់ទំនងធម្មតា និងមានទំនុកចិត្តដោយមិនព្យាយាមខ្លាំងពេក»៕