ជីវិតកម្សាន្ដ

Jennie បង្អួតរថយន្ត Porsche ថ្មី នៅលើប្រព័ន្ធផ្សព្វផ្សាយផ្ទាល់ខ្លួន

បានផុស

៤ ខែ មុន

នៅ

ថ្ងៃសុក្រ ៤ សីហា ២០២៣

ដោយ

កាលពីថ្ងៃទី ០៣ ខែសីហា Jennie សមាជិកក្រុម BLACKPINK បានបង្ហាញរថយន្តថ្មីស្រឡាងនិងដ៏ប្រណិតរបស់នាងទាំងមោទនភាព ខណៈរូបភាពប៉ុន្មានសន្លឹកនោះហាក់ទទួលបានការចាប់អារម្មណ៍យ៉ាងច្រើនពីអ្នកគាំទ្រទូទាំងពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការបង្ហោះលើបណ្ដាញសង្គម Instagram ផ្ទាល់ខ្លួនរបស់តារា K Pop រូបនេះ បានចែករំលែករូបភាពគួរឲ្យចាប់អារម្មណ៍ជាច្រើន ដែលបង្ហាញពីរថយន្ត Porsche ថ្មីរបស់នាង។ រូបភាពទាំងនោះបង្ហាញឲ្យឃើញ Jennie បញ្ចេញសកម្មភាពយ៉ាងឆើតឆាយជាមួយនឹង Porche ដែលនាងបានរួមចំណែកយ៉ាងសកម្មក្នុងការរចនា។ ការបញ្ចេញនូវភាពស្រស់ស្អាតរបស់តារាស្រីរូបនេះ មានទាំងក្នុងនិងខាងក្រៅរថយន្តយ៉ាងមានទំនុកចិត្ត ធ្វើឲ្យអ្នកគាំទ្រស្រឡាំងកាំងនឹងភាពទាក់ទាញខ្លាំងបំផុតរបស់នាង។

ជាមួយគ្នានោះដែរ ទិដ្ឋភាពមួយដែលទទួលបានការកោតសរសើរយ៉ាងខ្លាំង គឺជាស្ទីលដ៏ឥតខ្ចោះរបស់ Jennie ដែលបំពេញបន្ថែមនូវការរចនាដ៏ស្រស់ស្អាតរបស់រថយន្ត Porsche មួយនេះ។

យ៉ាងណាមិញ កន្លងមកគេដឹងថា សមាជិកក្រុម BLACKPINK រូបនេះ បានការសហការជាមួយ Porsche ដូច្នេះមិនចម្លែកនៅទេ ដែលនាងបានបង្ហោះរូបភាពដ៏ស្រស់ស្អាតលើបណ្ដាញអ៊ីនធឺណិត។ រថយន្តប្រណិតនេះផលិតឡើងតាមរថយន្ត Porsche Taycan 4S Cross Turismo ដែលមានតម្លៃប្រហែល ២៩០,០០០,០០០វ៉ុន (២២១,៥៧៣លានដុល្លារ) ឯណោះ៕