ជីវិតកម្សាន្ដ

លោក អុល សំអាង ជំរុញមហាជនជួយផ្សព្វផ្សាយអភិរក្សមរតកទម្រង់សិល្បៈល្ខោនបាសាក់ខ្មែរ

បានផុស

៣ years មុន

នៅ

ថ្ងៃចន្ទ ១១ កញ្ញា ២០២៣

ដោយ

តួឯកល្ខោនបាសាក់ លោក អុល សំអាង ថ្មីៗនេះ បានធ្វើការបំផុសឲ្យមានការចូលរួមពីគ្រប់មជ្ឈដ្ឋាន មហាជនខ្មែរក្នុងការរួមគ្នាជួយផ្សព្វផ្សាយ និងអភិរក្សមរតកទម្រង់សិល្បៈល្ខោនបាសាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់បើគិតមកដល់ពេលបច្ចុប្បន្ននេះ គឺមានរយៈពេលប្រមាណ ២០ឆ្នាំហើយដែលប្រធានក្រុមល្ខោនបាសាក់ លោក អុល សំអាង បានក្រាញននៀលជាមួយអាជីពមួយនេះ។ដោយក្តីស្រឡាញ់ និងការបារម្ភពីសិល្ប: ដូនតាក៏បានជំរុញឲ្យលោក អុល សំអាង បន្តថែរក្សាមិនល្ខោនបាសាក់នេះមិនឲ្យបាត់បង់ឡើយ ទោះបីជាល្ខោនបាសាក់ហាក់មិនសូវពេញនិយមសម្រាប់ស្រទាប់យុវវ័យបច្ចុប្បន្ន។

លោក អុល សំអាង បានបង្ហោះនៅលើទំព័រហ្វេសប៊ុកក្នុងន័យដូច្នេះថា “ការរួមគ្នាជួយផ្សព្វផ្សាយ អភិរក្ស មរតក ទម្រង់សិល្បៈល្ខោនបាសាក់ខ្មែរឲ្យជ្រួតជ្រាបដល់ស្រទាប់មហាជន ជ្រួតជ្រាបពីគុណ តម្លៃ វប្បធម៌ជាតិ យើងគួរតែផុសចេញទឹកចិត្ត មានចិត្តស្មារតី មនសិកា នៃពលរដ្ឋយើងម្នាក់ៗ ដើម្បីការពារថែរក្សា បណ្ដុះបណ្ដាល គាំពារ ទ្រទ្រង់ ពីមូលធនជនឥស្សរជននៃជាតិយើង”។

កន្លងមកគេតែងកត់សម្គាល់ដែរថា លោកអុល សំអាង ប្រធានក្រុមសិល្បៈមហាជនវង់ទី១ រាជធានីភ្នំពេញតែងបានសម្ដែងការព្រួយបារម្ភខ្លាំងចំពោះសិល្បៈបុរាណល្ខោនបាសាក់ដោយសារតែសន្ទុះទីផ្សារការគាំទ្រត្រូវបានគេមើលរំលងបន្ទាប់ពីសិល្បៈសម័យបានយកអស់ការគាំទ្រ។

គួរបញ្ជាក់ថាលោក អុល សំអាង គឺជា សិល្បករល្ខោនបាសាក់មួយរូបដែលបានបម្រើវិស័យសិល្បៈបុរាណនេះប្រមាណជាង ២០ឆ្នាំមកហើយបើគិតមកដល់ពេលនេះ៕

អត្ថបទ៖ ចាន់រ៉ា