ជីវិតកម្សាន្ដ

Sandara ទម្លាយអារម្មណ៍តូចចិត្តថា អ្នកគាំទ្រថយចុះ ហើយងាកទៅរក BLACKPINK ជំនួសវិញ

បានផុស

១១ ខែ មុន

នៅ

ថ្ងៃចន្ទ ១៣ វិច្ឆិកា ២០២៣

ដោយ

កាលពីថ្ងៃទី ១០ ខែវិច្ឆិកា ឆ្នាំ ២០២៣ Sandara Park អតីតសមាជិកក្រុម 2NE1 បានចូមរួមកម្មវិធីមួយរបស់ឆានែល Bam House ក្នុងនាមជាភ្ញៀវពិសេស ខណៈដែលនាងបានទម្លាយអារម្មណ៍តូចចិត្តពុំសូវមានអ្នកគាំត្រដូចមុន។

ប៉ុស្តិ៍ YouTube របស់ BamBam បានសាកសួរតារាចម្រៀងកូរ៉េរូបនេះពីអាជីពសព្វថ្ងៃ រហូតឈានដល់ចំណុចមួយចំនួនក្នុងបទសម្ភាសន៍ Sandara បានប្រៀបធៀបអ្នកគាំទ្រពេលនេះទៅនឹងអ្នកគាំទ្រពេលដែល 2NE1 កំពុងផ្សព្វផ្សាយកាលពីមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាងបាននិយាយថា “ចំនួនអ្នកគាំទ្របានថយចុះគួរឲ្យកត់សម្គាល់។ ដោយសារតែក្រុមរបស់យើងបែកគ្នា ហើយអ្នកគាំទ្របានផ្លាស់ទៅក្រុមផ្សេង។ អ្នកគាំទ្រជាច្រើនបានផ្លាស់ប្តូរទៅជាអ្នកគាំទ្រ BLACKPINK អ្នកគាំទ្រដែលចូលចិត្តស្ទីលរបស់ 2NE1 ក៏ផ្លាស់ប្តូរទៅក្រុម BLACKPINK ដែរ ព្រោះពួកគេមានបរិយាកាសស្រដៀងគ្នា”។

ទោះយ៉ាងណាក៏ដោយ BamBam បានលួងចិត្តនាងវិញថា “អារម្មណ៍របស់ខ្ញុំនិយាយថា កាលពីមុន ខ្ញុំបានស្តាប់បទចម្រៀងរបស់ 2NE1 ហើយប្រសិនបើ 2NE1 ត្រលប់មកវិញ មិនថាអ្នកគាំទ្រប៉ុន្មាននាក់បន្តទៅមុខ ឬធ្វើអ្វីផ្សេងទៀត ខ្ញុំគិតថាអ្នកគាំទ្រទាំងអស់នឹងត្រលប់មកវិញ តោះទៅជាមួយគ្នា។”

សូមបញ្ចាក់ដែរថា 2NE1 គឺជាក្រុមចម្រៀងនារីកូរ៉េខាងត្បូងដែលបង្កើតឡើងដោយផលិតកម្ម YG Entertainment ដែលមានសកម្មភាពចន្លោះឆ្នាំ ២០០៩ និង 2២០១៦ ។ ក្រុមនេះមានសមាជិកបួននាក់គឺ Bom, CL, Dara និង Minzy និងធ្លាងសាងកេរ្ត៍ឈ្មោះល្បីរន្ទឺរហូតធ្វើឲ្យទស្សនិកជនស្គាល់ពីតន្រ្តី K PoP តាំងពីពេលនោះមក៕