ជីវិតកម្សាន្ដ

YG បញ្ជាក់មូលហេតុដែល Ahyun ដកខ្លួនពីក្រុម BABYMONSTER

បានផុស

៤ ម៉ោង មុន

នៅ

ថ្ងៃព្រហស្បតិ៍ ១៦ វិច្ឆិកា ២០២៣

ដោយ

ជាដំណឹងមួយដ៏សោកសៅសម្រាប់អ្នកគាំទ្រពេញពិភពលោក ក្រោយបញ្ជាក់ជាផ្លូវការថា Ahyeon នឹងមិនបង្ហាញខ្លួនក្នុងនាមជាសមាជិកក្រុម BABYMOSTER រួមជាមួយនឹងសមាជិក៦នាក់ផ្សេងទៀត ដែលនាងធ្លាប់ហ្វឹកហាត់ជាមួយគ្នាជាច្រើនឆ្នាំ។

ភ្លាមៗនោះដែរ YG Entertainment ក៏បានចេញមុខមកបញ្ជាក់ការពិត នៅថ្ងៃទី១៥ ខែវិច្ឆិកា ថា Ahyeon បានដកខ្លួនចេញពីក្រុម ដោយសារបញ្ហាសុខភាព ហើយ BABYMONSTER នឹងបន្តបង្ហាញមុខសមាជិកតែ ៦ នាក់ប៉ុណ្ណោះ រួមមាន Ruka, Parita, Asa, និង Ha Rum, Rora និង Chiquita ប៉ុណ្ណោះ។

ជាមួយគ្នានេះថែមទៀត YG បានបញ្ចាក់ច្បាស់ៗពីការចាកចេញរបស់ Ahyeon ថា កិច្ចព្រមព្រៀងនេះបានកើតឡើងបន្ទាប់ពីការពិភាក្សាយ៉ាងយកចិត្តទុកដាក់។ ជាពិសេស គឺដោយសារតែហេតុផលសុខភាពរបស់នាងជាចម្បង។

តំណាង YG ក៏បានបញ្ជាក់ដែរថា “យើងមានការសោកស្ដាយជាខ្លាំង ដែលមិនអាចបង្ហាញមុខ Ahyun ក្នុងនាមជាសមាជិកក្រុម BABYMONSTER បានទេ ការសម្រេចចិត្តនេះត្រូវបានធ្វើឡើងដើម្បីសុខភាពផ្ទាល់ខ្លួនរបស់សិល្បករ។ ពួកយើងនឹងប្រឹងប្រែងឲ្យអស់ពីសមត្ថភាពដើម្បីផ្តល់ឲ្យ Ahyun នូវការជាសះស្បើយដ៏ល្អបំផុត។ ហើយត្រឡប់ទៅមានរាងកាយដែលមានសុខភាពល្អវិញ”។

ទាក់ទងនឹងបញ្ហានេះ មនុស្សមួយចំនួនបានកត់សម្គាល់ថា YG បានចូលទៅអាប់ដេតទំព័រ Profile របស់ BABYMONSTER នៅលើគេហទំព័រ NAVER ដោយបន្សល់ទុកតែសមាជិក ៦ នាក់ប៉ុណ្ណោះ ដោយគ្មានឈ្មោះ Ahyun ដូចកាលពីប៉ុន្មានខែកន្លងទៅ។

យ៉ាងណាមិញ បន្ទាប់ពីការចាកចេញរបស់ Ahyun មតិសាធារណៈបានបញ្ចេញយ៉ាងព្រោងព្រាតលើបណ្ដាញសង្គមសុទ្ធតែយល់ស្របដូចគ្នាថា YG បាត់បង់ត្បូងដ៏ស្រស់ស្អាតម្តងទៀត។ក្នុងពេលដែលនាងត្រូវបានគេចាត់ទុកថាជាសមាជិកម្នាក់ដែលមានលក្ខណៈសម្បត្តិទាំងមុខមាត់ និងសមត្ថភាព។ នាងអាចច្រៀង រាំបានល្អ រ៉េបបានល្អ ហើយថែមទាំងមានជំនាញភាសាអង់គ្លេស និងចិនផងដែរ។ លើសពីនេះទៀត អ្នកគាំទ្របានកំណត់រួចហើយថា Ahyun គឺពិតជា Jennie បន្ទាប់ទៀតផង៕