​Jin ត្រូវតំឡើងឋានៈជាពលទាហានដំបូងគេ ក្នុងនាមជាយោធាគំរូ

កាលពីថ្ងៃទី ០៤ ខែធ្នូ Jin បានទៅកាន់វេទិកាសហគមន៍អ្នកគាំទ្រសកលលោក Weverse ដើម្បីចែករំលែកសារដ៏ស្មោះស្ម័គ្រ។ លោកបានថ្លែងអំណរគុណចំពោះអ្នកគាំទ្រដែលខិតខំប្រឹងប្រែងចំពោះ BTS គឺ ARMY មកពីជុំវិញពិភពលោក ដែលបានជូនពរគាត់ឲ្យរីករាយថ្ងៃកំណើត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះ JIn បានចែករំលែកថា “ខ្ញុំចង់អរគុណអ្នកគ្រប់គ្នាដែលជូនពរឲ្យខ្ញុំរីករាយថ្ងៃកំណើត។ ខ្ញុំតែងតែប្រារព្ធខួបកំណើតរបស់ខ្ញុំជាមួយនឹងការផ្សាយផ្ទាល់ជាមួយ ARMYs ប៉ុន្តែខ្ញុំមិនអាចរីករាយជាមួយវាបានទេនៅឆ្នាំនេះ ដូច្នេះវាធ្វើឲ្យខូចចិត្ត។ ខ្ញុំសង្ឃឹមថា​ នឹងមានពេលវេលាល្អនៅក្នុងចិត្តរបស់អ្នកទាំងអស់គ្នា”។

សមាជិក BTS រូបនេះបានបន្តទៀតថា “ខ្ញុំចូលបម្រើយោធាបានមួយឆ្នាំហើយ ទោះបីជានៅមានពេលច្រើនទៀតរហូតដល់ខ្ញុំត្រលប់មកវិញ ប៉ុន្តែខ្ញុំរំភើបរួចទៅហើយដែលគិតថាខ្ញុំនឹងត្រលប់មកវិញក្នុងពេលឆាប់ៗនេះ ព្រោះនៅសល់តែ ១ភាគ៣ នៃកាតព្វកិច្ចយោធាសម្រាប់ខ្ញុំ”។

ដោយងាកមកចាប់អារម្មណ៍លើផែនការចូលបម្រើការងាររបស់សមាជិកមិត្តរួមក្រុមផ្សេងទៀត លោកបានបង្ហាញថា RM និង V នឹងចូលរួមនៅមជ្ឈមណ្ឌលហ្វឹកហ្វឺនកងទ័ព Nonsan នៅថ្ងៃទី១១ ខែធ្នូ ខណៈដែល Jimin និង Jungkook គ្រោងនឹងចាប់ផ្តើមដំណើររបស់ពួកគេទៅកាន់មជ្ឈមណ្ឌលហ្វឹកហ្វឺនកងពលធំថ្មើរជើងទី ៥ របស់កងទ័ពនៅថ្ងៃទី ១២។

ជាចុងក្រោយ លោកបានបញ្ចប់ដោយនិយាយថា “អរគុណម្តងទៀតសម្រាប់ថ្ងៃខួបកំណើតទាំងអស់​ និងជាមួយនឹងមុខងារយោធា ខ្ញុំបានដំឡើងឋានៈម្តងទៀត ហើយបច្ចុប្បន្នខ្ញុំជាពលទាហាន Kim Seok Jin ដ៏សំខាន់មួយរូប”៕

ប្រែសម្រួល៖ សាង ស្រីល័ក្ខ

ប្រភព៖allkpop

ចុចអាន៖​ភស្តុតាងបន្ថែមទៀតបញ្ជាក់ថា Dilraba មានទំនាក់ទំនងស្នេហាជាមួយ Johnny Huang ៣ ឆ្នាំហើយ