CL បង្ហាញនាឡិកាដៃតម្លៃ១៩ម៉ឺនដុល្លារ ជាផលិតផលមានកំណត់

តាមប្រភពពីសារព័ត៌មាន Allkpop បញ្ចាក់ថា CL អតីតមេក្រុម 2Ne1 បានបង្ហាញនាឡិកា Royal Oak តម្លៃ ១៩៥,០០០ ដុល្លារសម្រាប់យីហោដ៏ល្បីនៃស៊េរី Audemars Piguet x Tamara Ralph Concept Flying Tourbillon ជាចំនួនមានកំណត់។

ក្រុមហ៊ុនផលិតនាឡិកាដ៏ប្រណិតរបស់ប្រទេសស្វីសដ៏ល្បីល្បាញ Audemars Piguet ទើបតែបានបញ្ចេញនូវការបង្កើតថ្មីបំផុតរបស់ខ្លួន ដែលជានាឡិកាដែលមានកំណត់ ហើយត្រូវបានបង្កើតឡើងដោយសហការជាមួយ Tamara Ralph ។ នាឡិកាដៃផ្តាច់មុខនេះ មានត្រឹមតែ ១០២ គ្រឿងប៉ុណ្ណោះ ហើយអ្វីលកាន់តែពិសេស វាត្រូវបានបង្ហាញយ៉ាងប្រណីតដោយ CL តែមួយគត់ថែមទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានោះថែមទៀត យីហោនេះបានពន្យល់ថា “Audemars Piguet បង្ហាញនូវ Royal Oak Concept Flying Tourbillon Limited Edition ថ្មី ដែលត្រូវបានបង្កើតឡើងដោយសហការជាមួយអ្នករចនាម៉ូដ Haute Couture Tamara Ralph ។ ជាពិសេស វាទទួលបានការបំផុសគំនិតដោយការរួមបញ្ចូលគ្នានូវសោភ័ណភាពភាពជាស្ត្រី ភាពច្នៃប្រឌិតគ្មានព្រំដែនកំណត់ និងភាពឆើតឆាយដែលមិនចេះចប់ ការបោះពុម្ពមានកំណត់ក្នុងពណ៌ផ្កាឈូក 18-cara ពណ៌​មាស​ស្រោប​ដោយ Frosted Gold ហើយ​ប្រើ​បន្ទះរលាយ​ពណ៌​ដែល​មាន​កម្រិត​ប្លែក​ពី​ពណ៌​ត្នោត និង​សំរិទ្ធ​ទៅ​ពណ៌​មាស។

យីហោដដែលនេះបានពន្យល់ថែមទៀតថា តារាចម្រៀងកូរ៉េខាងត្បូង CL បានយកគំរូតាមនាឡិកាម៉ាក Limited edition edition ខណៈដែលនាងបានបង្ហាញនូវភាពទាក់ទាញរបស់នាង ដោយការស្លៀកពាក់ និងពាក់់នាឡិកាប្រណីតក្នុងរចនាប័ទ្មដិតតែមួយគត់របស់នាង៕

អត្ថបទ៖ សាង ស្រីល័ក្ខ

ចុចអាន៖ ម្ដាយ Coco Lee ​យំ​ក្នុង​ថ្ងៃ​ខួប​កំណើតកូន ខណៈគ្រួសារ​មិន​ទាន់​ស្ងប់​ចិត្ត​ការស្លាប់របស់នាង