ជីវិតកម្សាន្ដ

យីហោពិភពលោក ៥ប្រេន ជាដៃគូជាមួយ Jennie សុទ្ធតែកាន់ឆ្នាំ

បានផុស

២ years មុន

នៅ

ថ្ងៃអង្គារ ៦ កុម្ភៈ ២០២៤

ដោយ

នៅលើវេទិកាអនឡាញ អ្នកលេងអ៊ីនធឺណេតកូរ៉េជាច្រើននាក់បានចូលរួមក្នុងការពិភាក្សាយ៉ាងរស់រវើកអំពីម៉ាកល្បីទាំងប្រាំ ដែលក្លាយជាដៃគូយូរអង្វែងជាមួយ Jennie ខណៈប្រេននីមួយៗសុទ្ធតែកាន់ឆ្នាំមិនធម្មតា។ ជាងនេះទៅទៀតយីហោប្រណិតដែលជ្រើសជ្រើសសមាជិកក្រុម BLACKPINK ក្នុងភាពជាដៃគូផ្សព្វផ្សាយតែងតែទទួលបាននូវការលក់ចេញយ៉ាងភ្លូកទឹកភ្លូកដី។

មិនត្រឹមប៉ុណ្ណឹងទេ សូម្បីតែសារព័ត៌មានធំៗជាច្រើនក៏បានចុះផ្សាយជាពិសេសសម្រាប់តារាចម្រៀងនិងរ៉េបប្រចាំក្រុម Jennie ថាជាទូតសុឆន្ទៈដ៏ពូកែនិងមានសមត្ថភាពខ្លាំងដែលអាចរកចំណូលចូលឲ្យប្រេនធំៗយ៉ាងក្រាស់ក្រែលត្រឹមបង្ហាញខ្លួនតែមួយភ្លែតប៉ុណ្ណោះ។

ដោយឡែក យោងតាមការចុះផ្សាយរបស់សារព័ត៌មានកូរ៉េខាងត្បូង Allkpop បានលើកយកមតិរបស់ទស្សនិកជនរួមទាំងអ្នកគាំទ្ររបស់ Jennie ដោយម្នាក់ៗបានបង្ហាញពីម៉ាកយីហោដែលបានជ្រើសរើស និងរយៈពេលដ៏គួរឲ្យចាប់អារម្មណ៍ដែលនាងបានតំណាងប្រេនលំដាប់ៗទាំង៥នោះ។

១ CHANEL ជាប់កុងត្រា ៨ ឆ្នាំ ចាប់ពីឆ្នាំ ២០១៧។

២ ADIDAS មានកិច្ចសន្យារយៈពេល ៧ ឆ្នាំចាប់ពីឆ្នាំ ២០១៨ ។

៣ CALVINKLEIN បន្តកុងត្រា៥ឆ្នាំ ចាប់ពីឆ្នាំ២០២០។

៤ ម៉ាកផលិតផលគ្រឿងសំអាង និងថែរក្សាស្បែករបស់កូរ៉េ HERA ទទួលបានកិច្ចសន្យារយៈពេល ៦ ឆ្នាំ ចាប់ពីឆ្នាំ ២០១៩ តទៅ។

៥ វ៉ែនតាម៉ាក GENTLEMONSTER កុងត្រា ៥ ឆ្នាំ ចាប់ពីឆ្នាំ ២០២០មកម៉្លេះ។

ទោះយ៉ាងណាក៏ដោយ ងាកទៅកាន់មតិរសប់អ្នកគាំទ្រសមាជិកក្រុម BLACKPINK ឯណោះវិញ ម្នាក់ៗបានបញ្ចេញមតិតាមការយល់ឃើញផ្សេងគ្នា។ មហាជនខ្លះបានយល់ស្របថា ដំបូងពួកគេគិតថាយីហោ HERA មិនសមនឹង Jennie ទេ។ ប៉ុន្តែឥឡូវ ក្រោយបានទស្សនារូបភាពដែលបង្ហោះដោយប្រេនលំដាប់មួយនេះ ពួកពួកប្រាកដហើយថានាងសក្តិសមបំផុតជាមួយម៉ាក់យីហោគ្រឿងសំអាង។

លើសពីនេះទៀតសោត អ្នកគាំទ្រមួយចំនួនធំទៀតបានបញ្ចេញមតិលើភាពប្រណិត និងឆើតឆាយដែល Jennie ខំនាំមកជូនម៉ាកយីហោទាំងប្រាំនេះ។ ពួកគេបានចាត់ទុក Chanel និង HERA ជាម៉ាកយីហោហត្ថលេខាដ៏ពិសេស សម្រាប់សមាជិកក្រុម BLACKPINK៕