ជីវិតកម្សាន្ដ

ធ្លាយពាក្យចចាមអារ៉ាមថា Jiyeon ក្រុម T-ara និងស្វាមីលែងលះ ក្រោយរៀបការ២ឆ្នាំ

បានផុស

២ years មុន

នៅ

ថ្ងៃសុក្រ ២៨ មិថុនា ២០២៤

ដោយ

ធ្លាយពាក្យចចាមអារ៉ាមមួយបានក្លាយជានិន្នាការដ៏ធំ នៅក្នុងពិភពអនឡាញកូរ៉េ ទាក់ទងនឹងការលែងលះរបស់អតីតក្រុម T-ara គឺ Jiyeon និងស្វាមីអ្នកលេងបេស្បលដ៏ល្បីល្បាញ Hwang Jae-yun បន្ទាប់ពីអ្នកទាំងពីរបានរៀបការបានត្រឹមតែ ២ឆ្នាំប៉ុណ្ណោះ។

រឿងរ៉ាវមួយនេះបានចាប់ផ្តើមដោយ Lee Kwang Gil អ្នកអត្ថាធិប្បាយកីឡាបេស្បល បាននិយាយនៅលើ KNN PowerFM ដោយនិយាយថា “តើអ្នកដឹងទេថា Hwang Jaek Yoon បានលែងលះ? ខ្ញុំក៏បានឮផងដែរថា មូលហេតុដែលគូនេះមិនទាន់មានរូបភាពបង្ហោះផ្អែមល្ហែមមួយរយៈចុងក្រោយនេះ ពាក់ព័ន្ធនឹងបញ្ហានេះដែរ”។

ទោះជាយ៉ាងណាក៏ដោយ ភ្នាក់ងាររបស់ Jiyeon របស់ក្រុម T-ara បានបដិសេធព័ត៌មាននេះ ហើយបញ្ជាក់ថាវាមិនពិតទាល់តែសោះ។ នាងនៅតែមានសុភមង្គលជាមួយស្វាមីរហូតមកដល់ពេលនេះ។

ទន្ទឹមនោះទៀតដែរ កាលពេលថ្មីៗ អ្នករិះគន់រូបនេះបានចេញមុខសុំទោសចំពោះរឿងរ៉ាវដែលខ្លួនបានបង្កថាគុស្នេហ៍តារាកូរ៉េបានលែងលះគ្នា។ ក្នុងនោះគាត់បានប្រាប់ Xports News ថា “ខ្ញុំបានលឺរឿងនេះពីកាសែតមួយ ហើយទទួលស្គាល់ថាវាជាកំហុសរបស់ខ្ញុំ ខ្ញុំនិយាយបែបនេះដោយមិនបានពិនិត្យមើលព័ត៌មានឲ្យបានច្បាស់ជាមុនទេ។ ប៉ុន្តែខ្ញុំសូមអភ័យទោសដោយស្មោះចំពោះការបង្កគ្រោះថ្នាក់ដល់ពួកគេ វាជាកំហុសរបស់ខ្ញុំ ធ្វើអ្វីមួយដោយមិនគិតពីវាជាមុន” ។

គួរបញ្ចាក់ដែរថា កាលពីថ្ងៃទី ១០ ខែកុម្ភៈ ឆ្នាំ ២០២២ អតីតសមាជិកក្រុម T-ara រូបនេះ បានប្រកាសនៅក្នុងសំបុត្រសរសេរដោយដៃតាមរយៈ SNS ផ្ទាល់ខ្លួនថា នាងនិងអ្នកលេងបេស្បល Hwang Jae-gyun បានសម្រេចចិត្តរៀបការបែបឯកជនមួយនៅសណ្ឋាគារ Shilla៕