Rosé ធ្លាក់តំណែងអ្នកតំណាងផលិតផលសម្រស់ឲ្យទៅតារាស្រីវ័យ៦៤ឆ្នាំវិញ

កាលពីថ្មីៗនេះ ផលិតផលថែសម្រស់ Sulwhasoo បានប្រកាសអ្នកតំណាងថ្មី ដែលត្រូវឡើងមកជំនួសតំណែង Rosé ដែលជាអ្នកតំណាងផលិតផលខ្លួនបច្ចុប្បន្ន។ ជាមួយគ្នានេះ អ្នកស្រី Choi Hwa Jeong ដែលជាអ្នកផ្សព្វផ្សាយជើងចាស់ អាយុ 64 ឆ្នាំ បានជំនួស Rosé សមាជិក BLACKPINK ជាមុខមាត់ថ្មីរបស់ម៉ាកយីហោសម្រស់ប្រណីត Sulwhasoo ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការតែងតាំងរបស់អ្នកស្រី គឺជាការផ្លាស់ប្តូរគួរឱ្យកត់សម្គាល់នៅក្នុងឧស្សាហកម្មកែសម្ផស្ស ដែលគេកម្រឃើញស្ត្រីក្នុងវ័យ 60 ឈានជើងចូលទៅក្នុងតួនាទីដ៏លេចធ្លោបែបនេះ។ កាលពីថ្ងៃទី១០ កញ្ញា កន្លងទៅនេះ អ្នកស្រី បានបង្ហាញវត្តមានដំបូង នៅក្នុងព្រឹត្តិការណ៍ផ្ទេរតំណែង Ambassador ដែលធ្វើឲ្យផ្ទុះការចាប់អារម្មណ៍ជាខ្លាំង។

នៅក្នុងថ្ងៃបើកមុខអ្នកតំណាងថ្មីនេះផងដែរ អ្នកស្រី Choi ក៏បានបង្ហាញក្ដីរំភើប និងមានកិត្តិយស ដែលបានកាន់តំណែងដ៏សំខាន់មួយនេះ ក្នុងវ័យចូលនិវត្តន៍។ ដែលកាន់តែពិសេសទៀតនោះ អ្នកស្រី Choi មានតំណែងស្មើទៅនឹងតារាស្រីល្បីៗនៅកូរ៉េខាងត្បូង ដូចជា Song Hye Kyo និង Rosé សមាជិក BLACKPINK។

គួរបញ្ជាក់ផងដែរថា Song Hye Kyo គឺជាអ្នកតំណាងដំបូងរបស់ Sulwhasoo កាលពីឆ្នាំ២០១៨ រហូតដល់ឆ្នាំ២០២២ ប្រគល់តំណែងឲ្យ Rosé។ បន្ទាប់មក ២០២៤នេះ Rosé ត្រូវផ្ទេរតំណែងឲ្យ អ្នកស្រី Choi Hwa Jeong ជាអ្នកបន្ដ៕

ប្រភព៖ Koreaboo