បើ New Jeans ផ្ដាច់កុងត្រា ទឹកប្រាក់ដែលពួកគេត្រូវបង់ឲ្យ HYPE គឺជាង300ប៊ីលាន

យោងទៅតាមប្រភពព័ត៌មានបានឲ្យដឹងថា ក្រុម New Jeans នឹងត្រូវចំណាយទឹកប្រាក់ច្រើនលើសលុប ប្រសិនជាពួកគេសម្រេចចិត្តផ្ដាច់កុងត្រាមុនកាលកំណត់ ដើម្បីចាកចេញពីក្រុមហ៊ុន HYPE។ ក្រឡេកទៅមើលការឡាយទាមទាររបស់ក្រុមនារីនេះ ទៅកាន់ក្រុមហ៊ុន HYPE ថ្មីៗកន្លងទៅ ពួកគេហាក់ដូចជាមានបំណងចង់ចាកចេញប្រសិនជាក្រុមហ៊ុនមិនធ្វើតាមសំណើររបស់ពួកគេ។

ដោយសំណើរនោះគឺ ចង់ឲ្យក្រុមហ៊ុនកែប្រែ Ador ឲ្យត្រឡប់មកសភាពដើមវិញ ពោលគឺ ពួកគេចង់ឲ្យ អ្នកនាង Min Hee Jin ត្រឡប់មកធ្វើជានាយកប្រតិបត្តិសារជាថ្មី ដើម្បីមានសិទ្ធមើលថែពួកគេ។ ហើយថែមទាំងបានគម្រាមទៀតថា ពួកគេចង់បានចម្លើយត្រឹមថ្ងៃទី25 ពុំដូចនោះទេ ពួកគេនឹងមិនធ្វើតាមក្រុមហ៊ុន HYPE ទៀតឡើយ។

ចំណែកឯ នាយកប្រតិបត្តិថ្មីរបស់ Ador បានចេញមុខឆ្លើយតប ច្រានចោលសំណើរនេះរួចរាល់ហើយ ដោយលោកបានបញ្ជាក់ថា លោកធ្វើតាមច្បាប់របស់ក្រុមហ៊ុន HYPE ហើយនឹងមិនមានការផ្លាស់ប្ដូរណាមួយឡើយ។ យ៉ាងណាមិញ ការទាមទាររបស់ New Jeans ត្រូវបានបរាជ័យបែបនេះ ធ្វើឲ្យអ្នកគាំទ្រគិតថា ក្រុមនេះ មានបំណងដើរចេញឆាប់ៗនេះហើយ។

តួយ៉ាង មានប្រភពមួយបានបញ្ចេញទិន្នន័យវិភាគទៅលើចំនួនទឹកប្រាក់ដែលសមាជិក New Jeans ត្រូវបង់ទៅកាន់ក្រុមហ៊ុន HYPE ដែលម្នាក់ៗនឹងត្រូវបង់យ៉ាងតិចក៏ចំនួន​ 300ប៊ីលានវ៉ុន បើគិតជាលុយដុល្លារគឺ 225លានដុល្លារឯណោះ ហើយក៏អាចនឹងមានករណីត្រូវគុណចំនួនទឹកប្រាក់ជា២បន្ថែមប្រសិនបើល្មើសនឹងគោលការណ៍កិច្ចសន្យារផងដែរ។

យ៉ាងណាមិញ តួរលេខនៃចំនួនប្រាក់ខែរបស់ក្រុម New Jeans គឺមិនត្រូវបានគេបង្ហាញនោះទេ ប៉ុន្ដែទិន្នន័យនេះ គ្រាន់តែជាការវិភាគដោយយោងតាមច្បាប់នៃការផ្ដាច់កុងត្រាមុនកំណត់របស់តារា Kpop កន្លងមក។ ហើយការគណនានេះ គឺគេយកប្រាក់ខែរបស់តារាម្នាក់ ទៅគុណជាមួយចំនួនខែដែលនៅសល់ក្នុងកុងត្រានោះ​នឹងឃើញចំនួនដែលត្រូវបង់ ដើម្បីបញ្ចប់កុងត្រា៕

ប្រភព៖ Koreaboo