MAMA ឆ្នាំនេះ Seventeen ប្រមូលពាន Daesang ទៅផ្ទះបានច្រើនពេក យំលើឆាក

ជាការពិតណាស់នៅក្នុងកម្មវិធីប្រគល់ពានរង្វាន់ធំ MAMA 2024 នេះ មានការចាប់អារម្មណ៍ជាខ្លាំង ទៅលើសិល្បករ Kpop ដែលមានលក្ខណៈប្រកួតប្រជែងគ្នា ខុសពីរាល់ឆ្នាំ។ ក្រឡេកមកមើលក្រុម Seventeen វិញ ពួកគេក៏មានការប្រកួតប្រជែងសម្លេងគាំទ្រជាមួយក្រុមក្មេងៗជំនាន់ក្រោយមិនធម្មតាផងដែរ។

ជាពិសេស នៅក្នុងឆ្នាំនេះ ភាពជោគជ័យរបស់ក្រុមមួយនេះ ហាក់ដូចជាហក់ឡើងបណ្ដើរៗ ហើយប្រជាប្រិយភាពក៏មានការល្បីល្បាញសុះសាយដែរ។ ចំពោះកម្មវិធី MAMA លើកនេះ Seventeen បានប្រមូលពានរង្វាន់ធំៗ ដែលទទួលបាន Daesang ចំនួន២​ ដែលវាជាពានដ៏ធំជាងគេ។

មិនតែប៉ុណ្នោះ សមាជិកក្រុមបុរសទាំង១៣នាក់ បាននាំគ្នាបង្ហាញក្ដីរំភើប បន្ទាប់ពីបានឈ្នះពានរង្វាន់យ៉ាងច្រើនបែបនេះ ពួកគេបានស្រក់ទឹកភ្នែកលើឆាក និងបង្ហាញសេចក្ដីដឹងគុណទៅកាន់អ្នកគាំទ្រ ដែលបានធ្វើឲ្យពួកគេមានលទ្ធផលដូចជាថ្ងៃនេះ។

នៅក្នុងនោះមានការឈ្នះពានសរុបចំនួន៥ មានដូចជា៖

1. Fans’ Choice Male Top 10

2.​ VISA Super Stage

3. Best Male Group

4. Album of the Year (DAESANG)

5. Artist of the Year (DAESANG)