ជីវិតកម្សាន្ដ

Cha Eun Woo ត្រូវគេរិះគន់យ៉ាងធ្ងន់ ក ក្រោយបង្ហោះរូបចំពេលប្រទេសជាតិកំពុងចលាចលនយោបាយ

បានផុស

៤ ខែ មុន

នៅ

ថ្ងៃចន្ទ ៩ ធ្នូ ២០២៤

ដោយ

Cha Eun Woo កំពុងរងការរិះគន់យ៉ាងដំណំដោយបានអាប់ដេត Instagram ផ្ទាល់ខ្លួននូវការបង្ហោះដ៏សាមញ្ញមួយ ដែលទំនងជាមានបំណងចង់ឲ្យអ្នកគាំទ្រតាមដានពីកាលវិភាគដ៏មមាញឹករបស់គាត់ ប៉ុន្តែវាបានក្លាយជាកត្តាជំរុញឲ្យមានការជជែកដេញដោលលើអ៊ីនធឺណិតដ៏ក្តៅគគុក។ ជាពិសេស នេះជាពេលវេលាស្របគ្នា នឹងរយៈពេលនៃភាពចលាចលនយោបាយដ៏ខ្លាំងក្លានៅក្នុងប្រទេសកូរ៉េខាងត្បូង ដែលជាផ្ទៃខាងក្រោយដែលបង្កើនរាល់ការចុច និងបញ្ចេញមតិ។

ការរិះគន់នេះកើតឡើងនៅពេលដែលប្រទេសកូរ៉េកំពុងប្រឈមមុខនឹងរលកនៃការតវ៉ា ដែលអំពាវនាវឲ្យមានការចោទប្រកាន់លោកប្រធានាធិបតី Yoon Suk-yeol បន្ទាប់ពីការប្រកាសច្បាប់អាជ្ញាសឹកដ៏ចម្រូងចម្រាសរបស់គាត់ កាលពីពេលថ្មីនេះៗ។

ឥស្សរជនសាធារណៈដែលបញ្ចេញមតិ និងគាំទ្រក្រុមបាតុករ បានទទួលការសរសើរ ខណៈដែលមនុស្សជាច្រើនដែលបានជ្រើសរើសរក្សាភាពស្ងៀមស្ងាត់ ឬចែករំលែកខ្លឹមសារដែលមិនពាក់ព័ន្ធ បានប្រឈមមុខនឹងការត្រួតពិនិត្យជាសាធារណៈ។ ប៉ុន្តែការបង្ហោះរូបភាពរបស់សមាជិកក្រុមASTRO ថតក្នុងអំឡុងពេលថតរូប VOGUE Korea ថ្មីៗនេះ ត្រូវអ្នកលេងអ៊ីនធឺណិតជាច្រើនជឿថាមិនសមរម្យ ជាពិសេសក្នុងកាលៈទេសៈបច្ចុប្បន្នផ្ទាល់តែម្ដង។

ការបញ្ចេញមតិលើការបង្ហោះ បង្ហាញពីការខកចិត្តពីសំណាក់អ្នកលេងអ៊ីនធឺណិត ខណៈអ្នកខ្លះអះអាងថា តារាប្រុសធ្វេសប្រហែសចំពោះវិបត្តិជាតិ។ អ្នកខ្លះបានមើលឃើញការបង្ហោះរបស់លោកថា ជាការកត់សម្គាល់យ៉ាងខ្លាំងចំពេលមានភាពមិនពេញចិត្ត។ ជាពិសេសគេចោទ Cha Eun Woo មិនបានយកចិត្តទុកដាក់ចំពោះការតស៊ូរបស់ជនរួមជាតិ ក្នុងពេលដែលអ្នកផ្សេងទៀតតស៊ូដើម្បីសេរីភាពរបស់ពួកគេ គាត់បែរជាមានការព្រួយបារម្ភជាមួយនឹងការផ្សព្វផ្សាយគម្រោងបន្ទាប់របស់គាត់ទៅវិញ។ ដោយអ្នកខ្លះថែមទាំងប្រើភាសាប្រមាថ ដោយគូររូបលោកជានិមិត្តរូបនៃការផ្តាច់ទំនាក់ទំនងរវាងឥស្សរជនដែលមានសិទ្ធិថែមទៀតផង។

ទោះយ៉ាងណាក៏ដោយ ក៏មានអ្នកគាំទ្រមួយចំនួនធំទៀត និងអ្នកសង្កេតការណ៍ជាច្រើនបានប្រញាប់ប្រញាល់ការពារតារាសម្ដែងប្រុសវ័យ ២៧ឆ្នាំថា គាត់ជាអ្នកសិល្បៈ មិនមែនអ្នកនយោបាយទេ ការងាររបស់គាត់គឺដើម្បីកម្សាន្ត ផ្តល់ការគេចចេញពីការពិតដ៏អាក្រក់នៃពិភពលោក។ ការបញ្ចេញមតិខ្លះ ហាក់ដូចជាជិះជាន់យ៉ាងខ្លាំងដល់រូបលោកពេកហើយ គ្រាន់តែបង្ហោះរូបចំពេលប្រទេសជួបវិបិត្តនយោបាយខុសដែរមែនទេ?

យ៉ាងណាមិញ សម្ពាធលើតារាល្បីៗនៅក្នុងប្រទេសកូរ៉េខាងត្បូង ដើម្បីដោះស្រាយបញ្ហានយោបាយកំពុងកើនឡើង ហើយស្ថានភាពបានធ្វើឲ្យមានការចាប់អារម្មណ៍យ៉ាងខ្លាំង។ នៅពេលដែលការតវ៉ារីករាលដាល អ្នកមលេងអ៊ីនធឺណេតកូរ៉េកំពុងមើលឥស្សរជនសាធារណៈយ៉ាងដិតដល់ ចំពោះការឆ្លើយតបរបស់ពួកគេទៅលើប្រទេសសជាតិរបស់ខ្លួន