តារាកូរ៉េជើងចាស់ Lee Yoon Hee ទទួលមរណភាពក្នុងអាយុ ៦៤ ឆ្នាំ

តារាសម្ដែងជើងចាស់ Lee Yoon Hee បានទទួលមរណភាពក្នុងអាយុ ៦៤ឆ្នាំ ហើយពិធីបុណ្យសពរបស់លោក នឹងធ្វើឡើងនៅថ្ងៃទី១៣ ខែមករាឆ្នាំ២០២៥។ នេះបើយោងតាមសារព័ត៌មាន KST ចេញផ្សាយនៅថ្ងៃទី១១ ខែមករា។

តារា​សម្ដែង​រូប​នេះ​​​ មិន​មាន​ជំងឺ​អ្វី​ជាដំកំភួននោះទេ ប៉ុន្តែលោកស្រាប់តែ​​លាចាក​លោក​ភ្លាមៗ ដែលធ្វើ​ឲ្យ​មាន​ការ​សោកស្ដាយ​យ៉ាង​ខ្លាំង​ចំពោះ​អ្នក​ជា​ទី​ស្រឡាញ់ និង​សហការីក្នុងអាជីពការងារជាមួយ។ ជាក់ស្តែងថ្មីៗនេះ Lee Yoon Hee បានចុះកិច្ចសន្យាផ្តាច់មុខជាមួយ Beom Entertainment ដើម្បីបន្តគម្រោងផ្សេងៗ។

យ៉ាងណានាពេលនេះ ទីភ្នាក់ងារបានត្រឹមតែបង្ហាញអារម្មណ៍រន្ធត់និងបាននិយាយថា «ពួកយើងសូមចូលរួមរំលែកទុក្ខដ៏ក្រៀមក្រំបំផុតចំពោះសព Lee Yoon Hee ដែលបានលះបង់យ៉ាងខ្លាំងចំពោះសិល្បៈរបស់គាត់» ។

កើតនៅឆ្នាំ ១៩៦០ Lee Yoon Hee បានចាប់ផ្តើមអាជីពរបស់គាត់នៅក្នុងវិស័យល្ខោននាឆ្នាំ ១៩៨៥។ គាត់បានផ្លាស់ប្តូរទៅជាតួសម្តែងនៅក្នុងឆ្នាំ ២០០៧ ដោយសម្តែងក្នុងរឿង «Secret Sunshine» បន្ទាប់មកបានបន្តបង្ហាញខ្លួននៅក្នុងផលិតកម្មដូចជា Nameless Gangster: Rules of the Time’, ‘Miracle in Cell No. 7’, ‘The King’, ‘Song of the Bandits’ និងច្រើនទៀត៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖ជីវិតឯកជនរបស់ Lee Min Ho ត្រូវគាស់កកាយមកម្ដងទៀត