មុននឹងស្លាប់ សាន់​ ឆាយ ទៅពេទ្យ៣ដងហើយ តែបែរជាមិនទទួលបានការព្យាបាល

Barbie Hsu ត្រូវ​បាន​គេ​រាយការណ៍​ថា​មិន​បាន​ចូល​មន្ទីរពេទ្យ​ចំនួន ៣ ដង នៅ​ប្រទេស​ជប៉ុន​មុន​ពេល​នាង​ស្លាប់ ដោយសារជំងឺផ្ដាសាយ និងរលាកសួត។ មនុស្ស​ម្នាក់​ដែល​អះអាង​ថា​ជា​មគ្គុទ្ទេសក៍​ទេសចរណ៍​សម្រាប់​គ្រួសារ​របស់ Barbie អំឡុង​ពេល​ធ្វើ​ដំណើរ​ទៅ​ប្រទេស​ជប៉ុន​បាន​បំភ្លឺ​បន្ថែម​ទៀត​អំពី​ព្រឹត្តិការណ៍​ដែល​នាំ​ឱ្យ​នាង​ស្លាប់។

នៅក្នុងករណីនេះ ត្រូវបានគេរាយការណ៍មកថា Barbie បានទៅមន្ទីរពេទ្យចំនួនបី ក្នុងរយៈពេលពីរបីថ្ងៃដើម្បីស្វែងរកការព្យាបាល ប៉ុន្តែមិនត្រូវបានអនុញ្ញាតអោយចូលព្យាបាលនោះទេ។ នាង​បាន​ស្លាប់​ បន្ទាប់​ពី​បាន​ហៅ​រថយន្ត​សង្គ្រោះ​មក​ដឹក​នាង​ទៅ​មន្ទីរពេទ្យ​ម្ដង​ទៀត ។

ខណៈពេលដែលស្ថានភាពរបស់នាងនៅតែបន្តកាន់តែយ៉ាងយឺនទៅ តារាស្រីរូបនេះ បានទៅជួបជាលើកទីពីរទៅកាន់មន្ទីរពេទ្យក្នុងទីក្រុងតូក្យូនៅថ្ងៃទី 1 ខែកុម្ភៈ។ ទោះបីជាយ៉ាងណាក៏ដោយ មន្ទីរពេទ្យតូចមួយត្រូវបានគេរាយការណ៍ថា មិនអាចធ្វើរោគវិនិច្ឆ័យនាងបានទេ ហើយបានបញ្ជូននាងទៅមន្ទីរពេទ្យធំជាងនេះ។

ទម្រាំនឹងរកឃើញជំងឺ នៅទីបំផុត តួសាន់ ឆាយ ត្រូវបានធ្វើរោគវិនិច្ឆ័យថាមានគ្រុនផ្តាសាយ និងត្រូវបានផ្តល់ថ្នាំឲ្យទទួលទាន ដើម្បីឲ្យប្រសើរឡើង ប៉ុន្តែ​នាង​នៅ​មិន​ទាន់​បាន​សម្រាក​ព្យាបាល​នៅ​មន្ទីរពេទ្យ​នៅឡើយ។

យោងតាមសារព័ត៌មាន Shin Min Daily វេជ្ជបណ្ឌិតបានលើកឡើងពីកត្តាពីរដែលអាចរួមចំណែកដល់ការស្លាប់របស់ Barbie Hsu៖

1. មន្ទីរពេទ្យដែល Barbie បានទៅដំបូងគេ គឺស្ថិតនៅក្នុងតំបន់ដាច់ស្រយាលនៃប្រទេសជប៉ុន មានន័យថា ពួកគេប្រហែលជាមិនមានគ្រូពេទ្យប្រចាំការ ឬ ICUs ទេ។
2. គ្រូពេទ្យក្នុងតំបន់ប្រហែលជាមានការស្ទាក់ស្ទើរក្នុងការមានទំនោរទៅរកជនបរទេស ដោយសារតែបញ្ហាភាសា ជាពិសេសនៅពេលដែលការស្វែងយល់អំពីប្រវត្តិវេជ្ជសាស្ត្ររបស់នាង គឺមានសារៈសំខាន់ណាស់។

យ៉ាងណាមិញ យើងបានត្រឹមតែសោកស្ដាយប៉ុណ្ណោះ ចំពោះការស្លាប់ដោយភ្លាមៗដោយសារជំងឺធម្មតាបែបនេះ ខណៈដែលនាងអាចនៅមានជីវិត ប្រសិនបើនាងទទួលបានការព្យាបាល និងរកឃើញជំងឺត្រឹមត្រូវ៕