ជីវិតកម្សាន្ដ

ខ្លាចមានជម្លោះទ្រព្យរវាងប្រពន្ធមុន និងក្រោយ Huang Xiaoming ធ្វើបណ្ដាំមរតក ទុកឲ្យកូនពីរនាក់ប៉ុណ្ណោះ

បានផុស

១ year មុន

នៅ

ថ្ងៃចន្ទ ២៤ មីនា ២០២៥

ដោយ

កាលពីថ្ងៃទី ២២ ខែមីនា ប្រព័ន្ធផ្សព្វផ្សាយចិន 163 បានរាយការណ៍ថា Huang Xiaoming ដែលជាតារាសម្តែងដ៏ល្បីល្បាញក្នុងឧស្សាហកម្មកម្សាន្តចិន បានសម្រេចចិត្តបែងចែកទ្រព្យសម្បត្តិដែលប៉ាន់ស្មានថា ប្រហែល ១០ពាន់លានយន់ (១,៣៧៩,៤៥៣ ដុល្លារ) ។ គោលបំណងនេះដែរ ត្រូវបានគេនិយាយថា ដើម្បីចៀសវាងជម្លោះទ្រព្យសម្បត្តិរវាងទំនាក់ទំនងអតីតកាលនិងបច្ចុប្បន្ន ខណៈពេលដែលធានាសិទ្ធិនិងទិសដៅជីវិតរបស់កូនទាំងពីរនាពេលអនាគតផងដែរ។

យោងតាមព័ត៌មានដែលបានលាតត្រដាង មរតកនោះមានប្រវែង ៨ទំព័រ ដោយចុះបញ្ជីយ៉ាងលម្អិតអំពីទ្រព្យសម្បត្តិដែលគ្រប់គ្រងដោយតួប្រុសចិនរូបនេះ រួមទាំងអចលនទ្រព្យថ្លៃៗជាច្រើនដូចជា វីឡាទំនើបចំនួនបីដែលមានទីតាំងនៅទីក្រុងសៀងហៃ ប៉េកាំង និង Qingdao ទាំងអស់នៅក្នុងទីតាំងល្អប្រណិតដែលរស់នៅដោយមហាសេដ្ឋី និងតារាល្បីៗ។ តម្លៃនៃអចលនទ្រព្យនីមួយៗត្រូវបានគេរាយការណ៍ថា មានតម្លៃរាប់លានដុល្លារឯណោះ។ លើសពីនេះ តារាចិន ក៏មានភាគហ៊ុននៅក្នុងក្រុមហ៊ុនផលិតកម្មកម្សាន្ត និងផលិតភាពយន្ត ក៏ដូចជាការវិនិយោគលើវិស័យបច្ចេកវិទ្យា ម៉ូដ និងស្រាផងដែរ។ ប៉ុន្តែជាចម្ងល់ លោកដកអតីតភរិយា Angelababy និងមិត្តស្រីបច្ចុប្បន្ន Ye Ke ពីបញ្ជីមរតកនេះចោលទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាក់ទងនឹងការបែងចែកទ្រព្យសម្បត្តិ Huang Xiaoming គ្រោងនឹងបែងចែកឲ្យស្មើៗគ្នារវាងកូនទាំងពីរគឺកូនប្រុស និងកូនស្រីពៅដែលទើបនឹងកើតជាមួយមិត្តស្រីថ្មី។ កូនម្នាក់ៗនឹងទទួលបានមរតកប្រហែល ៥ ពាន់លានយន់។ ទោះជាយ៉ាងណាក៏ដោយ សិទ្ធិមរតករបស់កុមារមិនត្រូវបានផ្តល់ឲ្យយ៉ាងងាយស្រួលនោះទេ។

ជាពិសេសសម្រាប់កូនប្រុសច្បងជាមួយប្រពន្ធមុន Huang Xiaoming បានផ្តល់ប្រាក់ឧបត្ថម្ភប្រចាំខែចំនួន ២០០,០០០យន់ រហូតដល់គាត់មានអាយុ ១៨ ឆ្នាំ។ ប្រសិនបើកូនចង់ចំណាយលើសពីប្រាក់ឧបត្ថម្ភនោះ ត្រូវតែមានការបញ្ជាក់លម្អិត និងការយល់ព្រមពីមេធាវីទាំងបីរបស់តារាសម្តែង។ នេះក៏បង្ហាញពីភាពតឹងរ៉ឹងរបស់លោកក្នុងការគ្រប់គ្រងហិរញ្ញវត្ថុ ដើម្បីកុំឲ្យកូនប្រុសពឹងផ្អែកលើទ្រព្យមរតក និងចៀសវាងការធ្លាក់ចូលទៅក្នុងរបៀបរស់នៅដែលខ្ជះខ្ជាយ។

សម្រាប់កូនស្រីពៅ នៅក្នុងមរតកដែលព្រាងដោយ Huang Xiaoming នាងនឹងទទួលបានមរតកទាំងមូល ប្រសិនបើនាងចូលរៀននៅសកលវិទ្យាល័យនៅក្នុងគម្រោង ៩៨៥ ដែលជាប្រព័ន្ធនៃសាកលវិទ្យាល័យកំពូលៗរបស់ប្រទេសចិនដូចជា Tsinghua, Peking ឬ Fudan ។ ប្រសិនបើនាងមិនបំពេញលក្ខខណ្ឌនេះទេ នាងនឹងទទួលបានមរតកត្រឹមតែ ៥០% ប៉ុណ្ណោះដែលស្មើនឹង ២.៥ ពាន់លានយន់។ លើសពីនេះទៀត នាងទើបតែទទួលបានមរតកនេះ បន្ទាប់ពីនាងមានអាយុ ៣០ ឆ្នាំ។ អ្នកសង្កេតការណ៍និយាយថា លក្ខខណ្ឌដ៏តឹងរឹងទាំងនេះឆ្លុះបញ្ចាំងពីបំណងប្រាថ្នារបស់លោក ក្នុងការអប់រំកូនរបស់គាត់ឲ្យមានឯករាជ្យ និងមានទិសដៅសិក្សាច្បាស់លាស់។

ការកំណត់តម្រូវការអប់រំក៏ត្រូវបានគេយល់ថា ជាមធ្យោបាយមួយដើម្បីបង្ខំម្តាយដែលគេជឿថា ភរិយាក្រោយ នឹងចិញ្ចឹមកូនស្រីរបស់គាត់បានត្រឹមត្រូវដោយមិនរំខានដល់ការរកប្រាក់ចំណេញពីមរតក។ ក្នុងករណីដែលកូនស្រីបរាជ័យក្នុងការចូលរៀននៅសកលវិទ្យាល័យកំពូលមួយ មរតកចំនួន ២.៥ ពាន់លានយន់ នៅតែគ្រប់គ្រាន់ដើម្បីរស់នៅយ៉ាងសុខស្រួលពេញមួយជីវិតរបស់នាង។

នេះត្រូវបានគេមើលឃើញថាជាវិធានការជាក់ស្តែងមួយដើម្បីការពារជម្លោះផ្លូវច្បាប់ ក៏ដូចជាធានាថាទ្រព្យសម្បត្តិត្រូវបានបញ្ជូនទៅកុមារដោយផ្ទាល់។ ជាពិសេស បន្ទាប់ពីតារាសម្តែងតៃវ៉ាន់ Barbie Hsu បានទទួលមរណភាពភ្លាមៗ វាបានក្លាយមធ្យោបាយមួយ ដើម្បីចៀសវាងជម្លោះមរតកនាពេលអនាគតក្នុងចំណោមសមាជិកគ្រួសារ។

យ៉ាងណាមិញ ងាកមកកាន់ក្រុមអ្នកលេងអ៊ីនធឺណិតចិនបានសម្តែងការពេញចិត្តស្ដូក នេះជាការសម្រេចចិត្តដ៏ឈ្លាសវៃ ដែលបង្ហាញពីការគណនាយ៉ាងប្រុងប្រយ័ត្ន និងការទទួលខុសត្រូវរបស់ Huang Xiaoming សម្រាប់អនាគតកូនៗរបស់គាត់ ខណៈពេលដែលគាត់នៅតែគោរពទំនាក់ទំនងចុងក្រោយរបស់គាត់ជាមួយអតីតភរិយា។ លើសពីនេះគឺវិធីសាស្រ្ត តឹងរ៉ឹង និងសមហេតុផលរបស់តារាសម្តែងមនុស្សជាច្រើនជឿថា លោកមានផែនការរយៈពេលវែង និងមានទំនួលខុសត្រូវក្នុងការបែងចែកទ្រព្យសម្បត្តិ ទាំងធានាអនាគតរបស់កូនៗ និងការពារហានិភ័យនៃជម្លោះ ឬគម្លាតក្នុងរបៀបរស់នៅ៕